Danakhanda 29.p5
Dānakhaṇḍa 29.p5
- Language
- Sanskrit
29.p5
adhivāsanānte snātveti pūrvvasmin dine adhivāsanaṃ vidhāya dvitīyadivase puṇyāhavācanādipūrṇāhutiparyyantaṃ karmaśeṣaṃ samāpya sarvvauṣadhijalaiḥ pūrvvavadṛttigbhiḥ snāpito yajamānastriḥ pradakṣiṇamāvṛtya gṛhītakusumāñjaliḥ' vakṣyamāṇaṃ mantramudāharet | namo vaḥ sarvvadevānāmādhārebhyaścarācare | mahābhūtādhidevebhyaḥ śāntirastu śivaṃ mama || yasmānna kiñcidapyasti mahābhūtairvinā kṛtam | brahmāṇḍe sarvvabhūteṣu tasmāt śrīrakṣayāstu me || ityuccāryya mahābhūtaghaṭaṃ yo vinivedayet | sarvvapāpavinirmuktaḥ prayāti paramāṃ gatiṃ || vimānenārkavarṇena pitṛbandhusamanvitaḥ | stūyamāno'marastrībhiḥ padamabhyeti vaiṣṇavam || atra ca, jalapūrvvaṃ brāhmaṇebhyaḥ pradeye
Linked texts (6)
- Matsya — Sanskrit
- Danasagara-ballalasenadeva (ed. Bhabatosh Bhattacharya) — Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakalpataru — Lakṣmīdhara, Sanskrit