Danakhanda 30.p10
Dānakhaṇḍa 30.p10
- Language
- Sanskrit
30.p10
itthaṃ niveśyāmaraṇailamagraṃ merośca viṣkambhagirīn krameṇa | turīyabhāgena caturddiśaṃstu saṃsthāpayet puṣpavilepanāṭyān || pūrveṇa mandaramanekaphalaiśca yuktaṃ yuktaṃ gaṇaiḥ kanakabhadrakadambacihnaṃ | kāmena kāñcanamayena virājamānamākārayet kusumavastravilepanāḍhyaṃ || kṣīrāruṇodasarasātha vanenacaiva raupyeṇa śaktighaṭitena virājamānaṃ | yāmyena gandhamadanañca niveśanīyo godhūmasañcayamayaḥ kaladhautajambā || haimena yakṣapatinā ghṛtamānasena vastraiśca rājatavanena ca saṃyutaḥ syāt | paścāttilācalamanekasugandhipuṣpasauvarṇa-pippala-hiraṇmaya-haṃsayuktam || ākārayedrajatapuṣpavanena tadvadastambitaṃ dadhisitodarasastathāye | saṃsthāpya taṃ vipulaśailamathottareṇa śailaṃ supārśvamapi māṣamayaṃ savastraṃ || puṣpaiśca hemavaṭapādapaśekharantamākārayetkanakadhenuvirājamānaṃ| mākṣīkabhadrasarasāca vanena tadvadraupyeṇa bhāskaravatā ca yutaṃ vidhāya
Linked texts (8)
- Padmapurāṇa — Vyāsa, Sanskrit
- Matsyapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Danasagara-ballalasenadeva (ed. Bhabatosh Bhattacharya) — Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakalpataru — Lakṣmīdhara, Sanskrit