Danakhanda 4.p2
Dānakhaṇḍa 4.p2
- Language
- Sanskrit
4.p2
tathā sitatṛtīyāyāṃ nāryyaḥ saubhāgyadarpitāḥ | kuṅkumena prayacchaṃti lavaṇena guḍena vā | tatra mantrā na homā vā evameva pradāpayet || āha viśvāmitraḥ | āditye rāhuṇā graste suvarṇaistolayettanuṃ | somagrahetu rūpyeṇa yathādānaṃ tathā śṛṇu || pravargyasya mukheyukta utsannapatradehṛtaḥ | sarvapāpaharāyaitaddadāmi prīyatāṃ vidhuḥ || ityuccāryya jalaṃ tvapsu nikṣipet dvijasattamaḥ | prīyante pitaraḥ kāṃsye tāmre caiva pitāmahāḥ | lavaṇe sindhuje lakṣmīḥ prīyate pārvatī guḍe | gandhairguḍo vā vāsobhiḥ saubhāgyaṃ lavaṇe paraṃ || prīyatāṃ viśvadhāprītirdānamantrobhidhīyate | tulāpuruṣato rājan yāhi tat paramaṃ padaṃ || sarvvapāpaviśuddhātmā muktiṃ yāntyapunarbhavāṃ | hatvā tu brāhmaṇaṃ bhūyastolayedātmanastanuṃ | suvarṇenātmatulyena brahmahatyāṃ vyapohati || iti rūpyādi tulāpuruṣaḥ | atha gāruḍapurāṇe | sanatkumāra uvāca | tulāpuruṣadānantu śṭaṇu mṛtyuñjayodbhavam | aṣṭalohaṃ pradātavyaṃ sarvvarogopaśāntaye || kāṃsyañca yakṣmāye deyantrapu cārśovikārake | apasmāre ca sīsaṃ syāt tāmraṃ kuṣṭhe sudāruṇe || paittalaṃ raktapitte ca rūpyaṃ pradaramehayoḥ | sauvarṇaṃ sarvvarogeṣu pradadyānmṛtaphalodanam || phalodbhavaṃ tathā dadyādgrahaṇe dīrghadāruṇe | gauḍaṃ bhasmakarogeṣu yogantu gaṇḍamālake || jāṅgalañcāgnināṃ māndye romotpāte tu pauṣpa kam
Linked texts (7)
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Madanamahārṇava (Kṣemendra) — Kṣemendra, Sanskrit
- Madanamahārṇava (Māndhātṛ) — Māndhātṛ, Sanskrit
- Mahārṇava (Māndhātā) — Māndhātā, Sanskrit
- Mahārṇava (Viśveśvarabhaṭṭa) — Viśveśvarabhaṭṭa, Sanskrit
- Pariśiṣṭadīpaka — Nityānandapanta Parvatīya, Sanskrit