Danakhanda 4.p5

4.p5

mṛtyuñjayapūjāvidhiśca devīpurāṇe | oṃ juṃsa, iti mantreṇa devoyañcaturbhujastrinetrakaḥ | akṣamālādharo devo dakṣiṇena tu pāṇinā || vāmenāmṛtakuṇḍī ca dhārayannamṛtānvitāṃ | varadābhayapāṇiśca divyābharaṇabhūṣitaḥ || śuklaḥ sanīlavāsāścapadmasyoparisaṃsthitaḥ | jātī tasya śirānneyaṃ javaṃcāsya śikhā smṛtā || yo vauṣaḍiti kavacaṃ jainetreca prakīrttitāḥ | jaḥphaḍastaṃ bhavetsadā| oṅkāraḥ, āvāhanamantraḥ | oṃṅkāro vai visarjane, aṣṭaśaktayaḥ, pañcākṣarasaṃmitāḥ | jayā ca vijayā caiva ajitā cāparājitā | bhadrakālī kapālī ca jñeyyāmṛtaparājitā || oṃ juṃsamantraprayogena pūjyomṛtyuñjayaḥ śivaḥ | gandhādibhiryathānyāyaṃ yathā brāhmaṇapūjanam | mṛtyuñjayoktadāneṣu sarveṣvevaṃ vidhiḥsmṛtaḥ || ‘japtavyaḥ’ | oṃ jūṃ sa iti vai dātṛ kāmoghaṃ sādhayetsadā | lohe tadā mantramamuṃ gṛhītvāṃhṛdi ropayet || śiro-lalāṭadeśe ca jihvāmūle ca gaṇḍayoḥ | nābhau ca brahmaguhye ca etadaṅgāṣṭakaṃ nyaset || aratnihastamātrañca sāraṃ tasya prakīrttitam | yathecchayā prayogeṇa yathāvat kartturicchayā || ṣaṣṭipalaiḥ saṅghaṭa śraddhāyuktaḥ śucau deśe viśeṣāduttarāyaṇe | pañcāmṛtena saṃstrāpya devadevamumāpatim || kevalena ghṛtenātha prasthamātreṇa dhūrjaṭima | sugandhiścaṃdanajalaistataḥ saṃstrāpayedvibhum || candanā-guru-karpūra-kakkola-mṛganābhibhiḥ | vilipya parameśānaṃ sumanobhirathārcayet || bhaktyā nivedya naivedyamanavadyena cetasā | tataḥ praṇamya jagatāmīśvaraṃ prārthayediti || devadeva jagannātha kṛpālo parameśvara | māmuddharasva saṃsārapaṅkasamrocaduḥkhitam || iti saṃprārthya yodadyāllohamātmasamannaraḥ | sa yāti śivasālokyaṃ yāvadindrāścaturdaśa | tataḥ punarihāyātaḥ pṛthivyāmekarāḍbhavet