Danakhanda 47.p1

47.p1

atha tiladhenudānam | viṣṇudharmāt | vaśiṣṭha uvāca | tiladhenuṃ pravakṣyāmi keśavaprīṇanāya ca | datvā bhavati yasyāśca narendra vidhiruttamaḥ || yāndatvā brahmahā goghnaḥ pitṛghno gurutalpagaḥ | agāradāhī garadaḥ sarvvapāpayuto'pi vā || mahāpātakayuktaśca saṃyuktaścopapātakaiḥ | mucyate hyakhilaiḥpāpairviṣṇulokañca gacchati || anulipte mahīpṛṣṭhe vastrājinakuśāvṛte | dhenuṃ tilamayīṃ kṛtvā sarvvaratnairatnakṛtām || dhenuṃ droṇena kurvvīta āḍhakena tu vattsakam | suvarṇaśṭaṅgīṃ rūpyakhurīṅkambalaghrāṇavatīṃ tathā || kuryyācca śarkarājihvāṃ guḍāsyāmavikambalām | ikṣupādāṃ tāmrapṛṣṭhāṃ śucimuktāphalekṣṇām || praśastapañcaratnāṃ phaladantavatīṃ śubhām | sragdāmapucchāṃ kurvvīta navanītastanānvitām || sitasūtraśirālāñca sitasarṣaparomikām | phalairmanoharairbhakṣairbhaktimuktāphalānvitām || sitavastrayugacchannāṃ ghaṇṭābharaṇabhūṣitām | īdṛksaṃsthānasampannāṃ kṛtvā śraddhāsamanvitaḥ || kāṃsyopadohanāṃ dattvā keśavaḥ prīyatāmiti | yā lakṣmīḥ sarvvadevānāṃ yā ca deveṣvavasthitā || dhenurūpeṇa sā devī mama pāpaṃ vyapohatu | dehasthā yā ca rudrāṇī śaṅkarasya sadā priyā || dhenurūpeṇa sā devī mama pāpaṃ vyapohatu | viṣṇorvvakṣasi yā lakṣmīḥ svāhā yā ca vibhāvasoḥ || candrārkaśakraśaktiryā dhenurūpāstu sā śriye | caturmukhasya yā lakṣmīryā lakṣmīrdhanadasya ca || yā lakṣmīrlokapālānāṃ sā dhenurvaradāstu me | svadhā tvaṃ pitṛmukhyānāṃ svāhā yajñabhujāmatathā || sarvvapāpaharā dhenustasmācchāntiṃ prayaccha me