Danakhanda 51.p2

51.p2

pucchaṃ comamayaṃ kāryyaṃ romāṇi sitasarṣapaiḥ| tāmrapṛṣṭhaṃ vicittantu īdṛgrūpāṃ manoramāṃ|| vidhinā ghṛtavatsañca kuryyāllakṣaṇalakṣitaṃ| etaiḥ kṛtvā tathā natvā pūjayitvā vidhānataḥ|| tadbhaktāya pradātavyā maṅgalā śāstrapārage| imāṃ mamopakārāya gṛṅgīṣva madanugrahāt|| prīyatāṃ nandinī devī maṅgalā carcikā umā| ityuktā cārcchayeddhenuṃ kṛtvā nandāṃ mano'nugāṃ|| anena vidhinā deyā sarpiṣodheṇuruttamā| hiraṇyaratnadhenuśca pradeyā vidhināmunā|| mucyate sarvvapāpebhyaḥ sarvvān kāmānavāpnuyāt| yatra cīravahā nadyo yatra sarpirvahā hradāḥ || pāyasāḥ karddamā yatra tasmim̐lloke mahīyate | teṣāṃ svāmitvamāpnoti mudā paramayā yutaḥ || daśa pūrvāṃparāṃstāṃśca ātmānaṃ tvekaviṃśakaṃ | bhūyaḥ pṛthvośatāṃ yāti iha loke sa mānavaḥ || sakāmānā miyaṃvṛṣṭirddenostāvadudāhṛtā | devyālokamavāpnoti niṣkāmo ghṛtadhenudaḥ