Danakhanda 7.p1

7.p1

sanatkumāra uvāca | tulaikā kathitāhyeṣāmādyāmāsādya rūpiṇīṃ | hiraṇyagarbhaṃ vakṣyāmi dvitīyaṃ sarvasiddhidam || adhaḥpātraṃ sahasreṇa hiraṇyena vidhīyate | ūrddhapātraṃ tadarddhena sukhasaṃveśamātrakam || phalāmevaṃ śubhāṃ kuryāt sarvālaṅkāra saṃyutāṃ | adhaḥ pātre smareddivyāṃ guṇatrayasamanvitām || caturviṃśatikāmvevīṃ brahma-viṣṇu-gnirūpiṇīm || ūrddhapātre guṇātīte ṣaṭ triṃśakamumāpatim | ātmānaṃ puruṣaṃ dhyāyet pañcaviṃśakamañjakam || pūrvoktasnānamadhye tu vedikoparimaṇḍale | śālimadhye kṣipenmaulā navavastrai śca veṣṭitam || māṣakalkena cālipya pañcagavyena pūrayet | īśānādyairathāgnyāyaṃ pañcabhiḥ paripūjayet | pūrvvavaccaiva pūjā ca homaścaiva yathākramam