Danakhanda 7.p30

7.p30

saṃpradeyā, jāpakādīnāṃ anyaiva yathāśakti dakṣiṇeti, bhaviṣyo ttare tu jñeyaṃ niṣkaśataṃ pārthetyādinā suvarṇameva dakṣiṇārthamupakalpanīyamityuktaṃ, āādmādhivāsanadinādanyedyuragnikuṇḍeṣu ṛtvigupaveśanādikarmaśeṣasamāptau tulāpuruṣadānavadvihitāyāṃ pūrvvavadevasnāpitaḥ śuklamālyāṃ baradharo gṛhītakusumāñjaliyarjamāno brahmāṇḍaṃ triḥpradakṣiṇīkṛtyamaṃtramuccārayet | mantraḥ | namostu viśveśvaraviśvadhāmajagatsavitre bhagavannamaste | saptādhilokāmūramūtaleṇa garbheṇa sārddhaṃ vitarābhirakṣāṃ || ye duḥkhitāste sukhino bhavantu prayāntu pāpāni carācarāṇāṃ | tvaddānaśastrāhatakapātakānāṃ brahmāṇḍadoṣāḥ pralayaṃ vrajantu || evaṃ praṇamyāmaraviśvagarbhaṃ dadyāddijebhyodaśadhā vibhajya | bhāgaddayaṃ tatra guroḥ prakalpya samambhajeccheṣamataḥ krameṇa || dānavākyaṃ tulāpuruṣavadveditavyaṃ tacca daśadhā vibhajya gurorbhāgaddayaṃ prakalpya avaśiṣṭāṣṭabhāgānāmekaikaṃ bhāgaṃ tridhā vibhajya caturviṃśatisaṃkhyebhya ṛtvigādibhyaḥ samandadyāt, tadanuśaktyānyebhyopi brāhmaṇebhyodadyāt | svalpahomaṃ gurureka eva kuryyādathaikāgnividhānayuktyā sa eva saṃpūjyatamo'lpavittairyathoktavastrābharaṇādikena || viṃśatipalādārabhyapalasahasrāvadhidravye brahmāṇḍe sahasratadarddhamityuttamamadhyamādivaividhyakalpanāyāṃ kanīyobhāgasyālpatvamavadheyaṃ, viṃśatipalanirmitasyaivālpatvamityeke, uktaṃ viṃśatipalādarvāk yathāśakti vidhāne svalpatvamavagantavyamiti kecit, ekāgnividhānaṃ ekasminneva kuṇḍe homakaraṇam, kuṇḍamapi varuṇadigbhāgasthitaṃ vṛttākārañca kāryyaṃ, tadetatparibhāṣāyāmupapāditaṃ, atha puṇyāhavācane kṛte devatāvedīsamīpaṃ gatvā pūrvvavadyajamānena devatāpūjāyāṃ vihitāyāmācāryyo visarjjanaṃ vidadhyāt | itthaṃ ya etadakhilaṃ puruṣotra kuryyādbrahmāṇḍadānamadhigamya mahadvimānaṃ | nirdhūtakalmaṣaviśuddhatanurmurārerānandahṛt padamupaiti sahāpsarobhiḥ || santārayet pitṛpitāmahaputrapautra bandhu-priyā-tithi-kalatra-gatāṣṭakaṃ yaḥ | brahmāṇḍadānaśakalīkṛtapātakoghamānandayecca jananīkulamapyaśeṣaṃ || iti paṭhati śṛṇoti vā ya etatsurabhavaneṣu gṛheṣu dhārmikāṇāṃ | matimapi ca dadāti modate sā marapati bhavane sahāpsarobhiḥ