Danakhanda 7.p4

7.p4

gomūtraṃ dviguṇaṃ kṣīrāt kṣīrārddhaṃ dadhi kathyate | tadarddhaṃ gomayaṃ jñeyaṃ gomayārddhaṃ ghṛtaṃ bhavet || hiṃ kṛṇotītyṛ cā tatra gomūtrantu vinikṣipet | śakanamayamityṛcā tatra gomayaṃ parikalpayet || āpyāyasveti mantre ṇa kṣīraṃ tatra prakalpayet | dadhikrāvṇe ti mantreṇa dadhi tatra prayojayet | ghṛtaṃmisikṣe mantre ṇa ghṛtaṃ tatra viloḍayet || evamāpūrayet yatnāt jānudaghnantu deśikaḥ | samyagāpūrayedvidvān brahmajajñānakema vai | praviśet prāṅmukho vidvānāviśyāsta udaṅmukha iti || īśānādimantrāsta taittirīyakaśrutau || īśānaḥ sarvvavidyānāmīśvaraḥ sarvvabhūtānāṃ brahmādhipatirbrahmaṣodhipatiḥ brahmāśivo me'stu sadāśivoṃ sadyojātaṃ prapadyāmi sadyojātāya vai namaḥ, bhavebhave nāti bhave bhajasva māṃ bhavodbhavāya namaḥ, vāmadevāya namaḥ, jyeṣṭhāya namaḥ, śreṣṭhāya namaḥ, rudrāya namaḥ, kālāya namaḥ, kalavikaraṇāya namaḥ, balāya namaḥ, balavikaraṇāya namaḥ, balapramathanāya namaḥ, sarvvabhūtadamanāya namaḥ, manonmanāya namaḥ aghorebhyotha ghorebhyo ghoraghoratarebhyaśca sarvvataḥ sarvvasarvvadevebhyo namastestu rudrarūpebhyaḥ, tatpuruṣāya vidmahe mahādevāya dhīmahi tannorudraḥ pracodayāditi, pūrvvavaditi liṅgapurāṇoktatulāpuruṣadānavadityarthaḥ gaurīgāyatrikāṃ japtvā praviśet prāṅmukhaḥ svayaṃ | subhagāyai vidmahe yaśomālinyai dhīmahitanno gaurī pracodayāditi gaurīgāyatrī | vidhinaivatataḥ paścādgarbhādhānādikāḥ kriyāḥ | kṛtvā ṣoḍaśamārgeṇa vidhinā brāhmaṇottamaḥ || dūrvvārasena karttavyaṃ secanaṃ dakṣiṇe puṭe | udumbaraphalaiḥ sārddhamekaviṃśatkuśāṃstadā || śaktyātha tāvadevātra kuryyāt somantakarmaṇi | udāhe kanyakāṃ kṛtvā triṃśadviṣke na śobhanam || alaṃkṛtya tathā datvā śivāya vinivedayet | annaprāśanake vidvān bhojayet pāyasādibhiḥ | evaṃ viśvajidantāśca garbhādhānādikāḥ kriyāḥ || śaktivījena karttavyā brāhmaṇairvedapāragaiḥ | śeṣaṃ sarvvañca vidhinā tulādānavadācaret