Danakhanda 71.p1

71.p1

atha svarūpato godānaṃ mahābhārate | dānānāmiha sarvveṣām gavāṃ dānaṃ viśiṣyate | gāvaḥ śreṣṭhā pavitrāśca pāvanāṃ jagaduttamāḥ || ṛte dadhighṛtābhyāṃ ca neha yajñaḥ pravarttate | tena yajñamaśeṣaṃ hi gomūlaṃ sampracakṣate || gāvodhikostapasvibhyaḥ sadā sarvvebhya eva ca | tasmānmaheśvarodevastadetābhiḥ saha sthitaḥ || payasā haviṣā daghnā śakṛtāppyatha carmaṇā | asthibhiścopakurvvanti bālaiḥ śṛṅgaiśca mārata || gobhistulyaṃ na paśyāmi dhanaṃ kiñcidihācyuta' | kīrttanaṃ śravaṇaṃ dānaṃ darśanaṃ cāpi pārthiva || gavāṃ praśasyate bīra sarvvapāpaharaṃ paraṃ | gāvorlakṣmyāḥ sadā mūlaṅgoṣṭhu pāpmā na vidyate || svāhākāravaṣaṭkārau goṣu nityaṃ pratiṣṭhitau | gāvo yajñapraṇetryovai tathā yajñasya gormukhaṃ || amṛtaṃ hyavyayaṃ divyaṃ rakṣanti ca vahanti ca | amṛtāyatanaṃ caitāḥ sarvvalokanamarutāḥ || na godānātparaṃ dānaṃ kiñcidastīti me matiḥ| sā gaurnyāyārjitā dattvā kṛtastārayate kulaṃ || amṛtaṃ vai gavāṃ kṣīramityuvāca prajāpatiḥ | tasmāddadāti yo dhenumamṛtatvaṃ sa gacchati || liṅgapurāṇe | agnyāgārāṇi viprāṇāṃ devatāyatanāni ca | pūjyante śarūtā yāsāṃ kiṃ deyamadhikaṃ tataḥ || devalaḥ | vimānavaramārūḍhodivyābharaṇabhūṣitaḥ | yogantu ṃ vāñchati svarga ṃ sa godānaṃ prayacchatu || dānamapyadhikaṃ dhenorvidyate vā samambhuvi | niyataṃ tridaśairvāsaḥ kalpitosyāstu vigrahe || bhaviṣyat purāṇe | brahmovāca | ādityaduhitā gaurhi pṛthīyaṃ parikīrttitā | śreyo'rthe sarvvalokānāmutpannā kratusiddhaye || brāhmaṇāñcaiva gāvaśca kulamekaṃ dvidhā kṛtaṃ | ekatra mantrāstiṣṭhanti havirekatra tiṣṭhati || gobhyo yajñāḥ pravarttante gobhyo devāḥ samutthitāḥ | gobhyo vedāḥ samuttīrṇāḥ saṣaḍaṅgapadakramāḥ || śṛṅgamūle gavāṃ nitya ṃ brahmaviṣṇū samāśritau | śṛṅgāgre sarvvatīrthāni sthāvarāṇi carāṇi ca || śiromadhye mahādevaḥ sarvvabhūtamayaḥ sthitaḥ | lalāṭāgre sthitā devī nāsāvaṃśe ca ṣaṇmukhaḥ || kambaleśvatarau nāgau nāsāpuṭasupālitau | karṇayoraśvinau devau cakṣuṣoḥ śaśibhāskarau || danteṣu vāyavaḥ sarvve jihvāyāṃ varuṇaḥ sthitaḥ | sarasvatī ca huṃkāre yamayakṣau ca gaṇḍayoḥ | sandhāhayaṃ saṃdhoṣṭhābhyāṃ grīvāmindraḥ samāśritaḥ || rakṣāṃsi kandadeśe tu sādhyāstorasi saṃsthitāḥ || catuṣpāt sakalodharmmaḥ svayaṃ jaṅghāsu saṃsthitaḥ | khuramadhye tu gandharvvāḥ khurāgreṣu ca pannagāḥ || khurāṇāṃ paścimāgreṣu gaṇāścāpsarasāṃ sthitāḥ | rudrāścaikādaśa pṛṣṭhe vasavaḥ sarvvasandhiṣu || śroṇītaṭasthāḥ pitaraḥ somolāṅgūlamāśritaḥ | ādityaraśmayobālāḥ piṇḍībhūtā vyavasthitāḥ || sākṣādgaṅgā ca gomūtre gomaye yamunā sthitā | kṣīre sarasvatī devī narmmadā dadhisaṃsthitāḥ || hutāśanaḥ svayaṃ sarpirbrāhmaṇānāṃ guruḥ paraḥ | aṣṭāviṃśatidevānāṃ koṭyoromasu saṃsthitāḥ || udare pṛthivī jñeyā saśailavanakānanā | catvāraḥ sāgarāḥpūrṇā gavāṃ ye tu payodharāḥ || etadbhiḥ kathitaṃ sarvvaṃ yathā goṣu pratiṣṭhitaṃ | jagadvai devaśārdūla sadevāsuramānavaṃ || skandapurāṇe | tṛṇāni khādanti vasantyaraṇye pivanti toyānyaparigrahāṇi | duhyanti vāhyanti punanti pāpaṃ gavāṃ rasairjīviti jīvalokaḥ || tuṣṭāstu gāvaḥ śamayanti pāpaṃ dattāstu gāvastridivannayanti | saṃracitāścopanayanti vittaṃ gobhirna tulyaṃ dhanamasti kiñcit || śaṣpaṃsamaśnāti dadāti nityaṃ pāpāpahaṃ mitravivarddhanaṃ ca | sa eva cāryyaiḥ paribhujyate ca gobhirna tulyaṃ dhanamasti kiñcit || tṛṇāni śuṣkāni vane caritvā pītvāpi toyānyamṛtaṃ sravanti | yajñomayādyāśca punanti lokān gobhirna tulyaṃ dhanamasti kiñcit || hārītaḥ | bahukṣīrāśca yogā vai brāhmaṇāchannels/yopapādayet | uttārayetsa ātmānaṃ sapta sapta kulāni ca || devalaḥ | suśīlāṃ lakṣaṇavatīṃ yuvatiṃ vatsasaṃyutāṃ | bahudugdhavatīṃ snigdhāṃ dhenuṃ dadyādvicakṣaṇaḥ || vedavyāsaḥ | yaścātmavikrayaṃ kṛtvā gāḥ krītvā saṃprayacchati | ātmavikrayatuśyāstāḥ śāśvatīḥ bṛhatkauśikaḥ || tathā | saṃgrāmeṣvarjayitvā tu yo vai gāḥ saṃprayacchati | yāvatīḥ sparśayedbhāvaḥ sa tāvatphalamaśrute