Danakhanda 8.p3

8.p3

saptarṣilakṣaṇamāha | yamaḥ | saptarṣayastu jaṭilāḥ kamaṇḍalavakṣasūtriṇaḥ | dhyānaniṣṭhā vaśiṣṭhastu kāryyobhāryyāsanvitaḥ || ‘munayo’ vānaprasthāḥ, nāradādyairiti teṣāṃ viśeṣaṇaṃ | tānāhamanuḥ | ahaṃ prajāḥ sisṛkṣustu tapastaptvā sudustaram | patīn prajānāmasṛjaṃ maharṣīnāditodaśa || marīcimatryaṅgirasaṃ pulastyaṃ pulahaṃ kratuṃ | pracetasaṃ vaśiṣṭhañca bhṛgunnāradameva ca || tallakṣaṇamāha viśvakarmmā | jaṭilāḥ śmaśrulāḥ śāntā dṛśādhamanisantatāḥ | kusumbhāccadharāḥ kāryyā munayo dvibhujāḥ sadā | teṣu savyabhujāmūlaśliṣṭadhīrastu nāradaḥ || karpūragauradehaśca sākṣasūtrakamaṇḍaluḥ | indrādirūpāṇyapi prāgabhihitāni | vārāharūpaṃ viṣṇudharmottare | vārāharūpaḥ kāryyastu śeṣoparigataḥ prabhuḥ | śeṣaścaturbhujaḥ kāryyaścāruratnaphaṇānvitaḥ || karttavyau śoramuśalau karayostasya yādava | sarparūpaśca karttavyastathaiva racitāñjaliḥ || ālīḍhasthānasaṃsthānastatpṛṣṭhe bhagavān bhavet | vāmāranigatā tasya yoṣidrūpā vasundharā || namaskāraparā tasya karttavyā dvibhujā śubhā | yasmin bhuje dharā devī tatra śaṅkhaḥ kare bhavet || anye tasya karāḥ kāryyāḥ padma-cakra-gadā-dharāḥ | padmāsanasthāṃ kurvvīta śriyaṃ trailokya mātaram || gauravarṇāṃ surūpāñca sarvvālaṅkārabhūṣitām | raukmapadmakaravyagrāṃ varadāṃ dakṣiṇena tu