Danakhanda 89.p5

89.p5

suvarṇadānaṃ godānaṃ bhūmidānañca vajrahan | dadāti yo mahāprājñaḥ sarvvapāpaiḥ pramucyate || na bhūmidānāddevendra paraṃ kiñciditi prabho | vaśiṣṭhamabhimanyāmi yathāprāṅmaniṣiṇaḥ || pañca pūrvvādipuruṣāḥ ṣaṭ yeca vasudhāṅgatāḥ | ekādaśa dadadbhūmiṃ pavitrātīha mānavaḥ || ratnopakīrṇāṃ vasudhāṃ yo dadāti purandara | sa muktaḥ sarvvakaluṣaiḥ svargaloke mahīyate || mahīṃ sphītāṃ dadadrājā sarvvakāmaguṇānvitāṃ | rājādhirāje bhavati taddānamanuttamam || sarvvakāmasamāyuktāṃ kāśyapiṃ yaḥ prayacchati | sarvvabhūtāni manyante māmdadātīti vāsava || sarvvakāmadughāṃ bhūmiṃ sarvvakāmapurogamāṃ | dadātīha sahasrākṣa sa svargaṃ yāti mānavaḥ || madhu-sarpiḥ-pravāhinyaḥ payo-dadhi-vahāstathā | saritastarpayantīha surendra vasudhāpradaṃ || bhūmipradānānnṛpatirmucyate sarvvakilbiṣāt | na hi bhūmipradānena dānamanyadviśiṣyate || puṇyāṃ mṛdurasāṃ bhūmiṃ yo dadāti purandara | na tasya lokāḥ kṣīyante bhūmidānaguṇārjjitāḥ || sarvvathā pārthiveneha satataṃ bhūtimicchatā | bhūrdeyā vidhivacchakra pātre sukhamabhīpsatā || api kṛtvā naraḥ pāpaṃ bhūmindattvā dvijātaye | samutsṛjati tatpāpaṃ jīrṇāṃntvacamivoragaḥ || sāgarāḥ saritaḥ śailāstorthāni vividhāni ca| etāni bhūmidānasya kalāṃ nārhanti ṣor̤aśau' || tasmāt prāpyaiva medhāvo dadyādviprāya pārthiva | na bhūmipatinā bhūmiradhiṣṭheyā kathañcana || agniṣṭomaprabhṛtibhiriṣṭvā, yajñaiḥ sadakṣiṇaiḥ | na tatphalamavāpnoti bhūmidānādyadaśnute || dātā daśānugṛhṇāti daśa hanti tathā kṣipan | pūrvvadattāṃ haran bhūmiṃ narakāyopagacchati || na dadāti pratiśrutya dattvā vā harate tu yaḥ | tau ca dvau vāruṇaiḥ pāśaistapyete mṛtyuśāsanāt || vindhyāṭavīṣvatoyāsu śuṣkakoṭaravāsinaḥ | kṛṣṇasarpāstu jāyante ye haranti vasundharāṃ || patantyaśrūṇi rudatāṃ dīnānāmavasīdatām | brāhmaṇānāṃ hṛte kṣetre hanyustripuruṣaṃ kulam || āhitāgniṃ samādāya kṛśabhṛtyaṃ priyātithiṃ | vasudhāṃ ye prayacchanti nopasarpanti te yamam || tathā| ikṣubhiḥ satatāṃ bhūmiṃ yava-godhūma-śālinīṃ | goṣṭhāvāhanasampūrṇāṃ bahuvīryyasamārrjitāṃ || bījagarbhāṃndadṛdbhūmiṃ sarvvaratnaparicchadāṃ | akṣayāllabhate lokān bhūmisatvaṃ hi tasya tat || vidhūya kalmaṣaṃ sarvvaṃ rājā syāt sammataḥ satāṃ | loke mahīyate sadbhiryyo dadāti vasundharāṃ || yathāpsu patitaḥ śakra snehabinduḥ prasarpati | tathā bhūmikṛtaṃ dānaṃ sasye sasye'bhivarddhate || nṛtya-gītaparā-nāryyo divyamālāvibhūṣitāḥ | upaniṣṭhanti devendra sadā bhūmipradannaraṃ || modate ca sukhaṃ svarge devagandharvvapūjitaḥ | yo dadāti mahīṃ samyak vidhineha dvijātaye || śatamapsarasāñcaiva divyamālāṃ vibhūṣitāṃ | upaniṣṭhanti devendra brahmaloke dharāpradaṃ || upaniṣṭhanti bhūtāni sadā bhūmipradannaram | śaṅkhaṃ bhadrāsanaṃ chatraṃ dharāśvā varavāraṇāḥ || bhūmidānasya puṣyāni hiraṇyanicayāstathā | ājñā sadāpratihatā jayaśabdo bhavatyatha || bhūmidānasya puṣpāṇi phalaṃ svargaḥ purandara | hiraṇyapuṣpāścoṣadhyaḥ kuma-kāñcana-śāyalāḥ || amṛtaprasavāṃ bhūmiṃ prāpnoti puruṣo dadat | nāsti bhūmisamaṃ dānaṃ nāsti yajñasamo guruḥ || nāsti satyaparo dharmo nāsti dānasamo nidhiḥ | etadāṅgirasau śrutvā vāsavo vasudhāmimāṃ || vasuratnasamākīrṇāṃ dadāvāṅgirase tadā || ya idaṃ śravayecchātre bhūmidānasya saṃstavaṃ | na tasya rakṣasābhāgo nāsurāṇāṃ bhavatyuta || akṣayañca bhaveddattaṃ pitṛbhyaśca na saṃśayaḥ