Danakhanda 9.p10
Dānakhaṇḍa 9.p10
- Language
- Sanskrit
9.p10
kauśeyavastrasaṃyuktānicumālyaphalānvitān | tathāṣṭau pūrṇakalaśān pādukāsanabhājanam | dīpakopānahacchatracāmarāsanasaṃyutam | phalamākhyayutaṃ tadvadupariṣṭāhināyakam | tathāṣṭādaśadhānyāni samantāt parikalpayet || aśanabhājanaṃ, bhojyānvitabhājanaṃ vitānaṃ pañcavarṇaṃ | atha pūrvvavat pūrvveradhivāsanaṃ vidhāya śvobhūte brāhmaṇavācanādipūrṇāhutiparyyantaṃ karmaśeṣaṃ samāpayet | homādhivāsanānte ca snāpito vedipuṅgavaiḥ | triḥpradakṣiṇamāhṛtya mantrametamudīrayet || namaste kalpavṛkṣāya cintitārthapradāyine | viśvambharāya devāya namaste viśvamūrttaye || yasmāt tvameva viśvātmā brahmā sthāṇurddivākaraḥ | mūrttāmūrttaparaṃ vījamataḥ pāhi sanātanaḥ || tvamevāmṛtasarvvasvamanantaḥ puruṣo'vyayaḥ | santānādyairupetāḥ san pāhi saṃsārasāgarāt | amṛtā, devāḥ teṣāṃ sarvvasvaṃ, amṛtasarvvasvam || evamāmantrya taṃ dadyāt gurave kalpapādapam | caturbhyaścāpi ṛtvigbhyaḥ santānādīn prakalpayet
Linked texts (5)
- Kṛtyakalpataru — Lakṣmīdhara Bhaṭṭa, Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakalpataru — Lakṣmīdhara, Sanskrit