Danakhanda 91.p27

91.p27

śyāmāḥ śyāmāyanīyāśca teṣāmadhyayanamucyate | aṣṭādaśasahasrāṇi pāṭhāvedavidovidun || dviguṇaṃ pādapārīyā striguṇaṃ kramapāragāḥ | ṣaḍaṅgāni yadādhīte sa ṣaḍaṅgaviducyate || śikṣākalpo vyākaraṇaṃ niruktaṃ chandojyotiṣam | ṣaḍaṅgāni bhavantyetān upāṅgāni śṛṇuṣva bho || pratipadamanupadaṃ chandobhāṣāsamanvitam | mīmāṃsā-nyāyatarkaśca upāṅgāḥ parikīrttitāḥ || pariśiṣṭāśca saṃkhyātā aṣṭādaśa śṛṇuṣva tān | yūpalakṣaṇaṃ chāgalakṣaṇaṃ pratiṣṭhā-nuvākasaṃkhyā-caraṇavyūha-śrāddhakalpasūktāni pariṣadṛgyajuṣamiṣṭakāpūraṇaṃ pravarādhyāyo'śvaśāstraṃ kratusaṃkhyā nigamā yajñapārśvahoṭakam | vratañca prasavotthānakūrmmalakṣaṇasaṃyutam | kathitāḥ pariśiṣṭāstu hyūnaviṃśatisaṃkhyayā || kaṭhānāṃ punarvyākhyāṅkaścatvāriṃśattathyutān | prācyodīcyā niruhyāśca vājasaneyāstu pañca ca | daśabhedavibhinnāśca draṣṭavyā munipuṅgava || jābālābodheyākānvā mādhyandinākhaśāpeyāḥ | supāyinaḥ kapālākhyāḥ pauṇḍravasāvaṭikāḥ || paramā ravikāḥ parāśarā ṛkṣāvaudhāyanīyāḥ | āyoodhyā āyodhiṃyāśca teṣāmadhyayanāni ca || dvisahasre śatanyūne vede vājasaneyake | ṛggaṇe.yaṃ prasaṃkhyātastatonyāni yajūṃṣica || etatpramāṇaṃ yajuṣāṃhi kevalaṃ | sakhilaṃ sasakriyaṃ parisaṃkhyātaṃ brāhmaṇam | caturguṇantu jānīyāttaittirīyā dvidhā punaḥ || ṛṣayāḥ khāṇḍikeyāśca khaṇḍikāḥ pañcadhā punaḥ | kāleyā baudhāyanīyā hiraṇyakeśāstathaiva ca || bhāradvājāpastambāśca teṣāṃ bhedāḥ prakīrttitāḥ | adhyayanaṃ somikañcaiva pravacanīyaṃ tathāparam || sāmavedastu vistīrṇaḥ sahasrabhedaśaḥ purā | anadhyāyeṣvadhīyante tadā indreṇa dhīmatā || vajreṇa nihatāḥ śeṣāṃstānmamva śṛṇu sanmama | rāmāyaṇīyāḥ kauthumāstatra bhedān punaḥ śṛṇu || rāmāyaṇīyāḥ saptaiva suyājñāstapatāmbara | kālabeyā mahākālavayyālāṅgalavaidyutāḥ || kauthumānāmapi sapta asurāvānarākṣaṇāḥ | prajālāiainabhṛtyāśca paridhaumyāḥ parikāyanāḥ || adhyayanamapi teṣāṃ keṣāntu yathāvat kathitaṃ śṛṇu | aṣṭau sāmasahastrāṇi sāmāni ca caturdaśa || aṣṭau śatāni navatīḥ daśa savālakhilyakāḥ | sasuparṇāśca prakhyāśca etaṃ sāmagaṇaṃ viduḥ || atho atharvvavedasya navabhedā bhavanti hi | pippalādā vaktṛm̐dāśca bhūtāyanāḥ kātayastathā || jaṅgalā brahmavedāśca śaunako kanakau tathā | vedaṛṣicauravidyā teṣāmadhyayanaṃ śṛṇa