Danakhanda 92.p6

92.p6

matsyapurāṇe| purāṇaṃ sarvvaśāstrāṇāṃ prathamaṃ brahmaṇā smṛtam| anantarañca vaktebhyo vedāstasya vinirgatāḥ|| purāṇamekamevāsīdasmin kalpāntare'nagha| trivargasādhanaṃ puṇyaṃ śatakoṭipravistaram|| nirdagdheṣu ca lokeṣu vājirūpeṇa vai mayā| aṅgāni caturo vedāḥ purāṇanyāyavistarāḥ|| mīmāṃsā-dharmmaśāstrāṇi parigṛhyātmasātkṛtam| matsyarūpeṇa ca punarkalpādāvudakārṇave|| aśeṣametat kathitamudakāntargatena ca| śrutvā jagāda ca munīn prativedaścaturmukhaḥ|| pravṛttiḥ sarvvaśāstrāṇāṃ purāṇasyābhavattataḥ| kālena grahaṇaṃ dṛṣṭvā purāṇasya tato'lpam|| vyāsarūpamahaṃ kṛtvā saṃharāmi yuge yuge | caturlakṣapramāṇena dvāpare dvāpare sadā|| tadaṣṭādaśadhā kṛtvā bhūrloke'smin prabhāṣyate| adyāpi devaloke tat śatakoṭipravistaram|| tadartho'yaṃ† caturlakṣaṃ saṃkṣepeṇa niveditaḥ‡| purāṇāni daśāṣṭau ca sāmprataṃ tadihocyate|| nāmatastāni vakṣyāmi śṛṇudhvamṛṣisattamāḥ