Smritiprakasha 3.p116

3.p116

tasmin pūjā haviṣyañca vrataṃ caiva vidhīyate | dvayorāvarttanābhāve grāhyā madhyaṃdine tithiḥ || dvayorāvarttane grāhyā paraviddhā caturddaśo | iti vratāntaram | indrapaurṇamī,— pañcadaśyāṃ mahendrañca pūjayet-kelikautukaiḥ | gītavāditramāṅgalyairbhūtaye niśi || durgāśayanaṃ,— sarvvadaivotthitā tiṣṭheddurgā lokahitāya vai | svapedbhādraśitāṣṭamyāṃ tripañcadivasāt-param || uttiṣṭhatyarcitā devī ṣor̤aśe'hani rātritaḥ | divā svāpe bhavedrogo niśyutyānaṃ janakṣayaḥ || dinakṣayo yadi bhavet-svapeddastrāṃsaścaturddaśa | na varddhayet-svāpadinaṃ tithivṛddhau kadācana || śaratkālīnadurgāpūjā,— tatra dinaiḥ ṣor̤aśabhiḥ navabhiratha pañcabhistribhirdvābhyām | ekena ca yadvihitaṃ kramaśaḥ prastaumi tadvidhānamaham || saptamyāmudite sūryye parataścāṣṭamī bhavet | tatra durgotsavaṃ kuryyānnakuryyādapare'hani || aṣṭamīṃ cedanuprāpya astaṃ yāti divākaraḥ | tatra durgotsavaṃ kuryyānnakuryyādapare'hani || vṛthā paśughnatāṃ yāti navamīvāsarārcite | karmaṇo yasya yaḥ kālaḥ sā tithyastadupakrame || vidyamānā bhavedaṅgaṃ nojjhitopakrameṇa tu