Smritiprakasha 3.p12

Smṛtiprakāśa 3.p12

Language: Sanskrit

3.p12

atha yugmavākyaṃ nirṇīyate | yugmāgniyugabhūtānāṃ ṣaṇmunyorvvasurandhrayoḥ | rudreṇa dvādaśīyuktā caturdaśyā ca pūrṇimā || pratipadyapyamāvāsyā tithyoryugmaṃ mahāphalam | etat-vyastaṃ mahādoṣaṃ hanti puṇyaṃ purākṛtamiti || yugmaṃ dvitīyā, agnikhṛtīyā, yugaṃ caturthī, bhūtaṃ pañcamī, ṣaṭ ṣaṣṭhī, muniḥ saptamī, vasuraṣṭamī, randhraṃ navamī, rudra ekādaśī, atra yugmāgnyādisaptayugmeṣu pūrvvatithiruttaraviddhā grāhyā, uttarā tu pūrvvaviddhā grāhyeti | tatrādau pratipannirṇayaḥ | caitre māsi jagadbrahmā sasarja prathame'hani | śuklapakṣe samagraṃ tu tadā sūryyodaye sati

Previous: 3.p11
Next: 3.p13
Up: 3

Linked texts (1)

Kālanirṇaya (Kālamādhavīya) — Mādhava, Sanskrit