Abdadidhiti 1.p5

1.p5

tvasādhakatvābhāvāt kāmyatvapratīteśca śuddhacaitrapratipadyanuṣṭhānamiti || asyāmeva pratipadi vatsararādhipapūjoktā jyotirnibandheyaścaitraśuklapratipaddinavāro nṛpo hi saḥ | tasya pūjā vidhātavyā patākātoraṇādibhiḥ | pratigṛhaṃ dhvajākarma śaktyā brāhmaṇatarpaṇam | nirīkṣaṇaṃ ca kartavyaṃ śakunānāṃ śubhepsubhiḥ | iti | vatsarādināmaśravaṇaphalamapyuktaṃ bhaviṣaye - caitre māsi mahābāho puṇyā yā pratipatparā | asyāṃ vai nimbapatrāṇi prāśya saṃśṛṇuyāttithim | śakavatsarabhūpamantriṇāṃ rasadhānyeśvarameghapatīnām | śravaṇātpaṭhanācca vai nṛṇāṃ śubhatāṃ yātyaśubhaṃ saha śriyā | iti | viṣṇudharmeṣu vidyāvratārambho'pi | mārkaṇḍeya uvāca | aṣṭapatraṃ tu kamalaṃ vinyasedvarṇakaiḥ śubhaiḥ | brahmāṇaṃ karṇikāyāṃ tu tasya saṃpūjayedvibhum | tasya kamalasya | ṛgvedaṃ pūrvapatre tu yajurvedaṃ ca dakṣiṇe | paścime sāmavedaṃ tu udagātharvaṇaṃ tathā | āgneye ca tathāṅgāni dharmaśāstrāṇi nairṛte | purāṇaṃ caiva vāyavya īśānye nyāyavistarau | evaṃ vinyasya dharmajñaḥ sopavāsastu pūjayet | caitraśuklāmathārabhya sopavāso jitendriyaḥ | sadā pratipadaṃ prāpya śuklapakṣasya yādava | saṃvatsare mahābhāga śuklagandhānulepanaiḥ | bhūriṇā paramānnena dhūpadīparatandritaḥ | saṃvatsarānte gāṃ dadyādvrate cīrṇe narottamaḥ | idaṃ vrataṃ yastu karoti rājansa vedavitsyādbhuvi dharmaniṣṭhaḥ | kṛtvā tathā dvādaśa vatsarāṇi virañcilokaṃ puruṣaḥ prayāti | iti | atra saṃvatsaraprayogo vidyāprāptyarthaṃ, dvādaśavarṣaprayogastu brahmalokaprāptyarthamiti vivekaḥ | iyameva pratipat kalpāprojectdirapi | yathoktaṃ hemādrau nāgarakhaṇḍe-atha kalpādagro rājankathyante tithayaḥ śubhāḥ | yāsu śrāddhe kṛte tṛptiḥ pitṝṇāmakṣayā bhavet | caitraśuklapratipadi śvetakalpaḥ purā'bhavat | tasya śuklatrayodaśyāmudānaḥ samajāyata | kalpastu nārasiṃhākhyaḥ kṛṣṇāyāṃ pratipadyabhūt | atha kṛṣṇatrayodaśyāṃ gaurīkalpo'pyakalpata | vaiśākhasya tṛtīyāyāṃ śuklāyāṃ nīralohitaḥ | caturdaśyāṃ tu śuklāyāṃ pravṛtto gāruḍābhidhaḥ | samānastu