Abdadidhiti 2.p54

2.p54

bhaviṣye tvayaṃ viśeṣaḥ |—pūrvesiddhivase kuryādekabhaktaṃ samāhitaḥ | prātarutthāya susnātastato gurugṛhaṃ vrajet | prārthayecca mamācāryo bhavodyāpanakarmaṇi | śucau deśe samālipya sarvatobhadramaṇḍale | avraṇaṃ sajalaṃ kumbhaṃ tāmraṃ mṛnmayameva vā | saṃsthāpya vastrasaṃvītaṃ kaṇṭhadeśe suśobhitam | pañcaratnasamāyuktaṃ phalagandhākṣatairyutam | sahiraṇyaṃ samācchādya tāmreṇa paṭalena vā | vaṃśamṛnmayapātreṇa yavapūrṇena caiva hi | ācchādayet cailena likhedaṣṭadalaṃ tataḥ | sauvarṇīḥ pratimāḥ kāryā ṛṣīṇāṃ bhāvitātmanām | palena vā tadardhena tadardhārdhena vā punaḥ | śaktyā vā kārayettatra vittaśāṭhyavivarjitaḥ | vitānaṃ pañcavarṇaṃ ca phalapuṣpasamanvitam | vastrīyādupari śrīmatsaṃbhārānsannidhāya ca | madhyāhne pūjayedbhaktyā ṛṣīñśraddhāsamanvitaḥ | kaśyapo'trirbharadvājo viśvāmitro'tha gautamaḥ | jamadagnirvasiṣṭhaśca sādhvī caivāpyarundhatī | mantreṇānena rājendra kṛtvā pūjāṃ samāhitaḥ rātrau jāgaraṇaṃ kuryātpurāṇaśravaṇādibhiḥ | kṛtanityakriyaḥ prātarjuhuyāttilasarpiṣā | vaidiko vāpi paurāṇaḥ svādhikārānmanuḥ smṛtaḥ | vaidikaḥ sahastomāḥ sahachandasa0 iti varṇatrayaviṣayaḥ | paurāṇaḥ kaśyapo'tririti śūdraviṣayaḥ | aṣṭottararasrahasraṃ vā śatamaṣṭottaraṃ tu vā | punaḥ pūjāṃ tataḥ kṛtvā guruṃ saṃpūjayedvratī | svarṇāṅgulīyavāsobhiḥ kuṇḍalāmṛtabhājanaiḥ | dadyādekāṃ savatsāṃ ca gurave gāṃ payasvinīm | pūjayedṛtvijaḥ sapta vāsobhirdakṣiṇādibhiḥ | kalaśānupavītāni dadyāttebhyaḥ svabhaktitaḥ | ācāryaṃ ca sapatnīkaṃ praṇipatya kṣamāpayet | bhojayedbrāhmaṇāñśaktyā dīnānāthānpratarpya ca | sopaskarāṃ tāṃ pratimāmācāryāya nivedayet | labdhvānujñāṃ tu bhuñjīta iṣṭabandhujanaiḥ saha | udyāpanavidhiḥ proktaḥ sarvannāyaṃ phalārthinām | iti