Abdadidhiti 3.p22

3.p22

niṣedhopapatteḥ | tathāpyatra hemādrau niṣedhavākyam—necchetrayodaśīśrāddhaṃ putravānyaḥ sutāyuṣī | ekasyaiva na kuryātta pārvaṇaṃ tu samācaret | iti | tadapi putravantaṃ sutāyuḥkāmaṃprati pitṛvyādyuddeśyakapārvaṇetikartavyatākaśrāddhaghaṭitatrayodaśīśrāddhapratiprasavārtham | tathāhi sati tāvatsapiṇḍīkaraṇodhvaṃmapi pitṛvyādīnāṃ sarvaśrāddhasādhāraṇā ekoddiṣṭaniyamavidhayaḥ | kātyāyanaḥsapiṇḍīkaraṇādūrdhvaṃ pitroreva hi pārvaṇam | pitṛvyabhrātṛmātṛṇāmekoddiṣṭaṃ sadaiva tu | iti | atra mātṛśabdaḥ sāpatnamātṛpara iti hemādriḥ | pracetāḥ—sapiṇḍīkaraṇādūrdhvamekoddiṣṭaṃ vidhīyate | aputrāṇāṃ tu sarveṣāmapatnīnāṃ tathaiva ca | iti | apatnīnāmakṛtavivāhānāmityapi saḥ | atriḥ—bhrātre bhaginyai putrāya śvaśure mātulāya ca | pitṛvye gurave śrāddhamekoddiṣṭaṃ na pārvaṇam | iti | evaṃca trayodaśīśrāddhavidhinātideśasahitena prāptasya pārvaṇadvayātmakaśrāddhasya pitṛvyādyuddeśyakapārvaṇaiḥ sahācaraṇātmako'pūrvaprayogo'nena śāstreṇāṃśe pratiprasavātmakena kriyate | samācarediti saṃśabdasya sāhityavacanatvāt | evaṃ ca—pitṛvyabhrātṛnaptṝṇāmaputrāṇāṃ tathaiva | mātāmahasyāputrasya śrāddhaṃ tatpitṛvadbhavet | iti jātūkarṇyavacanasya pitṛvaditipadamahimnā pārvaṇaprāpakasya trayodaśīśrāddhaviṣayatvaṃ hemādriroktaṃ saṃgacchate | ato niṣkāmena putriṇā nityavidhipālanāthaṃ śrāddhavidhirahitaṃ pitrādiṣaḍuddeśyakavadannapradānamātramanuṣṭheyam-atha śrāddhaṃ vinā deyamityudāhṛtavacanāditi siddham | iti trayodaśīnirṇayaḥ