Abdadidhiti 3.p44

3.p44

apūjyakanyāsvarūpamuktaṃ tatraiva-hīnādhikāṅgīṃ kuṣṭhāḍhyāṃ vināiśakulasaṃbhavām | granthisphuṭitaśīrṇāṅgīṃ raktapūyavraṇāṅkinīm | jātyandhāṃ kekarāṃ kāṇīṃ kurūpāṃ tanurośām | saṃntyajedrogiṇīṃ kanyāṃ dāsīgarbhasamudbhavām | iti | tanuścāsau romaśā ceti karmadhārayaḥ | pūjāprakāro devīpurāṇe-prakṣālya pādau sarvāsāṃ kumārīṇāṃ ca vāsava | sulipte bhūtale ramye tatra tā āsane sthitāḥ | pūjayedgandhapuṣpaiśca sragbhiścāpi manoharaiḥ | pūjayitvā vidhānena bhojanaṃ tāsu dāpayet | khaṇḍalaḍḍuguḍaṃ sapiṃdadhi kṣīraṃ samākṣikam | tāsāṃ deyaṃ kumārīṇāṃ śanairbhuñjīyayettu tāḥ | pānīyaṃ yācitaṃ deyamannaṃ cāyācitaṃ śubham | praṇipātaśca kartavyo vṛtrahanbhaktipūrvakam | anena vidhinā śakra devī śīghraṃ prasīdati | iti | āvāhanapūjāmantrau skānde-mantrākṣaramayīṃ lakṣmīṃ mātṛṇāṃ rūpadhāriṇīm | navadurgātmikāṃ sākṣātkanyāmāvāhayāmyaham | jagatpūjye jagadvandye sarvaśaktisvarūpiṇi | pūjāṃ gṛhāṇa kaumāri jaganmātarnamo'stu te | iti kumārīpūjā |-tripurāṃ triguṇādhārāṃ trivargajñānarūpiṇīm | trailokyavanditāṃ devīṃ trimūrtiṃ pūjayāmyaham | iti trimūrtipūjā |-kālātmikāṃ kalātītāṃ kāruṇyahṛdayāṃ śivām | kalyāṇajananīṃ nityaṃ kalyāṇīṃ pūjayāmyaham | iti kalyāṇīpūjā |-aṇimādiguṇādhārāmakārādyakṣarātmikām | anantaśaktikāṃ lakṣmīṃ rohiṇīṃ pūjayāmyaham | iti rohiṇīpūjā |-kāmacārīṃ śubhāṃ kāntāṃ kālacakrasvarūpiṇīm | kāmadāṃ karuṇodārāṃ kālīṃ saṃpūjayāmyaham | iti kālīpūjā |-caṇḍavīrāṃ caṇḍamāyāṃ caṇḍamuṇḍaprabhañjinīm | pūjayāmi sadā devīṃ caṇḍikāṃ caṇḍavikramām | iti caṇḍikāpūjā |-sadānandakarīṃ śāntāṃ sarvadevanamaskṛtām | sarvabhūtātmikāṃ lakṣmīṃ śāṃbhavīṃ pūjayāmyaham | iti śāṃbhavīpūjā |-durgame dustare kārye bhavaduḥkhāvināśinīm | pūjayāmi sadā bhaktyā durgāṃ durgārtināśinīm | iti durgāpūjā |-sundarīṃ svarṇavarṇābhāṃ sukhasaubhāgyadāyinīm | subhadrajananīṃ devīṃ subhadrāṃ pūjayāmyaham | iti subhadrāpūjā |-eva-