Abdadidhiti 4.p13.4

4.p13.4

saśiṣyaḥ kanyayā sārdhaṃ kramanmārge śanaiḥ śanaiḥ 47 tatra teṣāṃ samajani saṅgamo munisattamāḥ | taṃ dṛṣṭvā tādṛśaṃ vipro viveko brāhmaṇottamam 48 śrīpatestu pitṛvyāya tatsarvaṃ sa nyavedayat | vidāṃcakāra tau kṛcchrānmadhyame vayasi sthitau 49 praṇamya vighinābhyarcya tataḥ proce vaco mudā | bhrātustava sutāvetau pālitau pāṭhitau mayā 50 iti śrutvā vivekasya vacanaṃ mudito'bhavat | āli liṅga ca tau bālau mūrdhnyajighratpunaḥpunaḥ 51 pādānatāṃ guṇavatīṃ vivekena nirūpitām | āśīrbhīrabhinandyātha saharṣo'bhūdvijottamaḥ 52 vivekaṃ vacanaṃ proce tvatprasādādimau sutau | dṛṣṭau matto na dhanyo'sti suhṛttvaṃ yasya hi dvija 53 atha te muditāḥ sarve bhṛgukṣetraṃ yayurmudā | jñātibhiḥ saha saṅgamya śṛṇvadbhistadviceṣṭitam 54 svapitṛvyagṛhe sthitvā divasānaṣṭa sapta ca | labdhvā pitṛdhanaṃ gehaṃ nijaṃ śrīpatigopatī 55 īyatustadanujñāto vivekaḥ svapuraṃ yayau | vivekākhyo dvijavarastataḥ svapuramāgamat 56 śrīpatirgaupatestatra vivāhamakarottadā | tāvekacetasau satraṃ cakraturvipratarpaṇam 57 śrīpatiḥ śraddhayā yukto kanīyānvyayaśaṅkitaḥ | vicārya bhāryayā sārdhaṃ vibhaktastatkṣaṇādabhūt 58 sa bhogānvividhānbhuñjanpramatto dhanasaṃpadā | na devyārādhanaṃ cakre na dharmaṃ sukhalampaṭaḥ 59 kenacittvatha kālena naṣṭaṃ tasya gataṃ dhanam | akiṃcano gataścintāṃ bhāryayāśvāsitastadā 60 bhavadbhrātṛgṛhe viprā bhuñjate bahavaḥ sadā | gacchāmo'nuditaṃ kānta tatra bhoktuṃ yathāsukham 61 evaṃ bhojanavelāyāmāgatyāgatya tadgṛham |