Abdadidhiti 4.p3

4.p3

bhava | iti aśvam | - śakraketo mahāvīrya śyāmavarṇācaiaiyāmyaham | patrirāja namastestu tathā nārāyaṇadhvaja | garutmānmārutagatistvayi saṃnihito yataḥ | dhārayantyāyudhānyatra rakṣa tvaṃ ca ripūṃddaha | iti dhvajam | - yathā hiraṇyakaśiporyuddhe devāsurāstathā | kālanemivadhe yadvā yadvā tripuraghātane | śobhitastu tathaivādya śobhayāsmāṃstvaśobhayā | pūtanā revatī nāmnaḥ kālarātristu yā smṛtā | dahasvāśu ripūnsarvānpatāke tvaṃ mayārcitā | iti patākām | - kumudau vāraṇau padmapuṣpadantau ca vāmanaḥ | supratīko'ñjano nīla eteṣṭau devayonayaḥ | teṣāṃ putrāśca pautrāśca vanyāścaiau samāśritāḥ | madro bhadro gajaścaiva rājasaṃkīrṇa eva ca | vanevane prasūtāste yūthāni sumahānti ca | pāntu tvāṃ vasa vo rudrā ādityāḥ samarudgaṇāḥ | bhartāraṃ rakṣa nāgendra svāmī ca pratipālyatām | avāpnuhi jayaṃ yuddhe gamane svasti no vraja | iti hastinam | - asirviṣmanāḥ khaḍgastīkṣṇadhāro durāsadaḥ | śrīgarbho vijayaścaiva dharmādhārastathaiva ca | ityaṣṭau tava nāmāni svayamuktāni vedhasā | hiraṇyaṃ ca śarīraṃ te dhātā devo janārdanaḥ | pitā mātā mahādevastasmātpālaya sarvadā | iti khaḍgam |-sarvāyudhamahāmātra sarvadevārisūdana | cāpa māṃ sarvadā rakṣa sākaṃ sāyakasattamaiḥ | dhṛtaṃ kṛṣṇena rakṣārthaṃ saṃhārārthaṃ hareṇa ca | trayīmūrtigataṃ deva dhanu ratnaṃ namāmyaham | iti cāpam | -sarvāyuṣānāṃ prathamaṃ nirmitāsi pinākinā | śūlāyudhādviniṣkṛṣya kṛtvā muṣṭigrahaṃ śubham | caṇḍikāyai pradattāsi sarvaduṣṭanibarhiṇī | tathā vistāritā cāsi devāṃnāṃ pratipāditā | sarvasattvāṅgabhūtāsi sarvāśubhanivāriṇī | churike rakṣa māṃ nityaṃ śāntiṃ yaccha namostu te | iti churikām |-rakṣāṅgāni gajāṃśca rakṣa vājidhanāni ca | mama dehaṃ sadā rakṣa kaṭṭāraka namostu te | iti kaṭṭārakam | - prāsa jñāpaya śatrūṃstvamanayā lokamāyayā | gṛhāṇa jīvitaṃ teṣāṃ rakṣa sainyaṃ ca māmakam | iti kuntam | - śarmapradastvaṃ samare varma sainye yaśodyame | rakṣa māṃ rakṣaṇīyo'haṃ tāpanena namostu te | iti varma | - protsāraṇāya