Abdadidhiti 4.p44

4.p44

stivācanādyante ṛtvigeko varayitavyaḥ | dvitīyādiprayoge tu tadvaraṇameva | bhojanārthamanye tryavarā brāhmaṇā varayitavyāḥ | tato bhūtaśuddhyādinā saṃpannadhikāro govardhanasaṃyutaṃ gopālamāvāhya sthāpayet | — balirājño dvārapālo bhavānadyā'bhavaḥ prabho | nijavākyārthanāthārthaṃ sagovardhana gopate | iti | tataḥ śrīgopālaṃ govardhanaṃ ca pādyādyupacāraiḥ pūjayet |—gopālamūrte viśveśa śakrotsavavibhedaka | govardhanakṛtacchatra pūjāṃ me hara gopate | govardhanadharādhāra gokulatrāṇakāraka | viṣṇubāhukṛtacchāya gavāṃ koṭiprado bhava | iti mantrābhyāṃ yathāvibhavaṃ bhakṣyabhojyādiyutaṃ naivedyaṃ samarpayet | elālavaṅgapūgādiyutaṃ tāmbūlaṃ dadyāt | uktapūjānte gandhādyupacārairgopūjanaṃ pratyakṣagavāmasaṃnidhau mṛdādinirmitatatpratimāpūjanaṃ kāryam | tatra mantrau pūrvoktau | yā lakṣmīryāloketi | agrataḥ santutviti ca | tato vṛtārtvigdvārā svagṛhyoktavidhinā homaḥ kāryo gṛhasiddhānnena āgāvo agmanniti, praitevadantviti mantrābhyām | strīśūdragṛhe tu pūjāsaṃbandhyuktapaurāṇikābhyāṃ yā lakṣmīriti govardhaneti ca | homānte brāhmaṇabhojanam | muktavaddhyaḥ pratyekaṃ dhenudānaṃ tadabhāve tanniṣkayo deyaḥ | anyebhyo'pyāśvacāṇḍālaṃ yathāśaktyannaṃ dattvā gobhyo yavasamanannnāsaṃ ca dattvā giraye balidānaṃ kāryam | tataḥ śaratpuṣpādibhirgavāmalaṃkāraṃ kṛtvā muktavadbhiḥ svalaṅkṛtaiḥ svanuliptaiḥ suvāsobhirgobrāhmaṇahomāgnigirīṇāṃ pradakṣiṇāṃ kurvadbhistathā gobhiḥ saha pradakṣiṇā kāryā yathā gobhirapi pradakṣiṇā brāhmaṇādīnāṃ kṛtā bhavatīti | tataḥ śrīkṛṣṇārpaṇaṃ kāryam | ityannakūtotsavaḥ