Abdadidhiti 4.p6
Abdadīdhiti 4.p6
- Language
- Sanskrit
4.p6
śraddhayā sadā | pūjanīyāśca turagā navamīṃ yāvadeva hi | śāntrisvastyayanaṃ kāryaṃ tadā teṣāṃ dine dine | dhānyaṃ bhallātakaṃ kuṣṭhaṃ vacāṃ siddhārthakāṃstathā | pañcavarṇena sūtreṇa granthi teṣāṃ tu bandhayet | vāyavyairvāruṇaiḥ sauraiḥ śākraimaitraiśca vaiṣṇavaiḥ | vaiśvadevaistathāgneyairhomaḥ kāryoṃ dine dine | turaṅgā rakṣaṇīyāstu puruṣaiḥ śastrapāṇibhiḥ | na ca tāḍyāḥ kvacitkaiścinna ca vāhyāḥ kathaṃcana | iti | atra turagapūjāyā uccaiḥśravaḥpūjātaḥ pṛthagvidhānātpratimāyāmuccaiḥśravasaṃ revantanāmakaṃ devaṃ ca saṃpūjya pratyakṣāśvapūjanaṃ kartavyamiti pratīyate | vāyavyairityādibahuvacanebhyaḥ pratyekaṃ kapiñjalādhikaraṇanyāyena mantreṣu tritvaṃ labhyate