Abdadidhiti 5.p14

5.p14

vihitaḥ |—snātvā tataḥ pañcagavyena siktavā hiraṇyamālyājyatilena yojyam | tatastu mṛtpiṇḍapuṭe nidhāya paśyeddiśāṃ pretagaṇopagūḍhām | namo'stu dharmāya iti praviśya tīrthe sa me prīta iti kṣipecca | snātvā tato tīrthadivākarau ca dṛṣṭvā pradadyādatha dakṣiṇāṃ ca | evaṃ kṛte pretapure sthitasya svarge gatiḥ syāttu mahendratulyā | iti | gaṅgāyāṃ cāsau brahmalokaprāptisādhakatvena yamenoktaḥ |—gaṅgātoyeṣu yasyāsthi kṣipyate śubhakarmaṇaḥ | na tasya punarāvṛttirbrahmalokātsanātanāt | iti | vārāhe ca māthurayamunāntargatārdhacandrākhyapradeśe vihitaḥ | darśitaścāsmābhistadvidhirmathurāsetau | tathāpi prayāge samucitaḥ śiṣṭācārādvṛddhokteśca | atha śaunakādyuktavidhinā tatprayogaḥ | śukrāstādirahitakāle kṛtaurdhvadehikasyāsthnāṃ tīrthe prakṣepaṃ kartuṃ yatra tāni khātāni bhaveyustāṃ bhuvaṃ sacailasnānapūrvakaṃ prokṣedgavyaiḥ | gāyatryā gomūtreṇa | gandhadvārā miti gomayena | āpyāyasveti payasā | dadhikrāvṇa iti dadhnā | ghṛtaṃ mimikṣa iti ghṛtena | tataḥ | upasarpeti catasṛṇāṃ śaṅkhaḥ pitarastriṣṭup bhūprārthanakhananamṛduddharaṇāsthigrahaṇeṣu krameṇa viniyogaḥ | etābhiḥ krameṇāsthigrahaṇāntāni karmāṇi kṛtvā svayaṃ jalāśaye gṛhyoktena vidhinā snāyāt | tato'sthīni spṛṣṭvā pañcagavyairetonvindramiti mantrāvṛttyā snātvā spṛṣṭvaiva daśasnānāni kuryāt | uktamantraistenaiva krameṇa pañcagavyasnānāni | devasyatveti kuśodakena | mānastoke iti bhasmanā | aśvakrānte rathakrānte iti mṛdā | madhuvātā iti madhunā | āpohiṣṭheti śuddhodakena | evaṃ daśa snānāni vidhāyāsthnāṃ kuśairmārjanaṃ kuryāt | tatra mantrā atodevā iti ṛk | atha sapta sūktāni | etonvindraṃ0 1 śucīvo0 2 natamaṃhaḥ0 3 itivāitimemanaḥ0 4 svādiṣṭhayā0 5 mamāgnevarcaḥ0 6 kadrudrāya0 7 tato yadīyānyasthīni tasya kṛtasapiṇḍīkaraṇasya pārvaṇaśrāddhaṃ hiraṇyena kuryāditi | daśāhābhyantare yasya gaṅgātoye'sthi majjati | gaṅgāyāṃ maraṇe yāvattādṛkphalamavāpnuyāt | iti śāstrāt yadi daśāhābhyantare'sthikṣepaścikīrṣitastadaikoddiṣṭaṃ tatraiva saktupiṇḍadānaṃ tilatarpaṇaṃ ca kṛtvā punaḥ pañcagavyena pañcāmṛtaiḥ śuddhodakena ca prakṣālya yakṣakardamenānulipya puṣpaiḥ prapūjya vastrapaṭṭāmbaraśvetacīnāṃśukamāñjiṣṭhavastranepālakambalaśuddhamṛdbhirāvaiṣṭya tāmrasaṃyuṭe kuryāt |—ajinaṃ kambalaṃ darbhā gokeśāḥ śāṇameva ca | bhūrjapatraṃ tāḍapatraṃ saptadhā veṣṭanaṃ smṛtam | iti—ajinaṃ kambalaṃ darbhā mbhorja prayāge viṣṇutatparaḥ | tanuṃ tyajati vai māghe tasya muktirna saṃśayaḥ | iti brāhmokteḥ | kālāntare tanutyāgāttu svargaprāptiḥgaṅgāyamunamāsādya yastu prāṇānparityajet | dīptakāñcanavarṇābhairvimānairbhānuvarcibhiḥ | gandharvāpsarasāṃ madhye svarge modati mānavaḥ | iti pādmagatasāmānyavacanasyoktaviśeṣaśāstravaśena māghetarakālaviṣayatvāt | atraca yathāśakti sarvaprāyaścittaṃ kṛtvā svīyaśrāddhādikāryabhāve jīvacchrāddhaṃ sapiṇḍanāntaṃ vidhāya brāhmaṇadīnānāthebhyo gavādidānāni kṛtvā kṛtopavāsaḥ pāraṇāhne phalollekhapūrvakaṃ saṃkalpya viṣṇuṃ dhyātvā veṇīṃ praviśedityāhurvṛddhāḥ