Dharmasindhu p249

p249

28 athavyatīpātavai 30 athaikanakṣatrajananaśāntiḥ ekasminnevanakṣatrebhrātrorvāpitṛputrayoḥ | prasūtiścettayormṛtyurbhavedekasyaniścitaḥ 1 pitṛnakṣatremātṛnakṣatrevā kanyāyā putrasyavotpattau gomukhaprasavaṃkṛtvāśāntiḥ kāryā sodarabhrātṛbhaginyornakṣatre bhrātṛbhaginyāvotpattaugoprasavamakṛtvaivaśāntimātraṃkāryam saṃkalpe pitraiknakṣatrotpattisūcitasarvāriṣṭetyādyūhaḥ kalaśeraktavastreyasminnakṣatrejanma tannakṣatrapratimāṃtannakṣatradevatāpratimāṃvā agnirnaḥpāttukṛttikā ityāditaittirīyamantraiḥ pūjayet anvādhāneidaṃnakṣatraṃ amukāṃnakṣatradevatāṃvāsamidhrvājyaiḥ pratidravyamaṣṭottaraśatasaṃkhyaṃ śeṣeṇetyādi anteyayorekanakṣatrejanmatayorabhiṣekaḥ atragrahamakhonāvaśyakaḥ kvacitsaṃpūjitahariharapratimādānamapyuktam || 31 athagrahaṇaśāntiḥ grahaṇecandrasūryasyaprasūtiryadijāyate | itthaṃsaṃjāyate yastutasyamṛtyurnasaṃśayaḥ 1 vyādhiḥpīḍācadāridyaṃśokaścakalahobhavet | atragomukhaprasavaḥkārya itibhāti grahamakhaḥkṛtākṛtaḥ saṃkalpesūryagrahaṇakālikaprasūtisūcitetyādyūhaḥ grahaṇakālikanakṣatrasyanakṣatradevatāyāvā hemapratimāṃ sūryagrahe sūryasyahemapratimāṃ candragraherājataṃcandrabimbaṃkṛtvobhayatrasīsenarāhornāgākṛtiṃ kṛtvāgomayopalipteśucideśe śvetavastroparidevatātrayapūjanam nātrakalaśasthāpanādi tatramadhyeākṛṣṇenetisūrya dakṣiṇataḥsvarbhānoradhaitirāhuṃ uttaratonakṣatradevatāṃpūjayet candragrahetuāpyāyasvetimadhyecandraḥpūjyaḥ pārśvayorāhunakṣatradevatepūrvavat anvādhānesūryagrahesūrya arkasamidājyacarutilaiḥ pratyekamaṣṭottaraśatasaṃkhyayā rāhuṃ dūrvājyacarutilaistāvatsaṃkhyainakṣatradevatāṃjalavṛkṣasamidājyacarutilai stāvatsaṃkhyayāśeṣeṇetyādi candragraheca candraṃpālāśasamidājyacarutilaiḥ śeṣaṃpūrvavat antegrahakalaśodakenapañcagavyapañcatvakapañcapallavādiyutalaukikodakenacalaukikenevavābhiṣekaḥ vedhakālejanmaninevaśāntiḥ kiṃtuduṣṭakālatvādrudrābhiṣekaḥkāryaitibhāti || 32 athanakṣatragaṇḍāntaśāntiḥ revatyāśleṣājyeṣṭhānakṣatrāṇāmantyaghaṭīdvayamaśvinīmaghāmūlānāmādyaghaṭīdvayamitighaṭikācatuṣṭayamitaṃtrividhaṃnakṣatragaṇḍāntam aśvinīmaghāmūlānāṃpūrvārdhebādhyatepitā | pūṣāhiśakrapaścārdhejananībādhyateśiśoḥ 1 sarveṣāṃgaṇḍajātānāṃparityāgovidhīyate | varjayeddarśanaṃyāvattasyaṣāṇmāsikaṃbhavet 2 śāntirvāpuṣkalākāryāsomamantreṇabhaktimān | asyaśiśo revatyaśvinīsaṃdhyātmakagaṇḍāntajananasūcitāriṣṭanirāsārthaṃ nakṣatragaḍānta śāṃtikariṣyaityādisaṃkalpaḥ gomukhaprasavaṃkṛtvāṣoḍaśapalamaṣṭapalaṃvācatuḥpalaṃ vākāṃsyapātraṃvidhāyatasminpāyasaṃpayovānikṣipyatatranavanītapūrṇaśaṅkhaṃnidhāyatasmintrājataṃ candrabimbaṃsaṃsthāpyasomoha mitidhyānapūrvakaṃcandramāpyāyasvetipūjayet pūjānteāpyāyasvetimantrasyasrahasraṃjapaḥ grahamakhahomaḥkāryaḥ nātrapradhānadevatāhomaḥ granthāntaretutāmrakalaśerajatapratimāyāṃ bṛhaspati mantreṇavāgīśvaraṃ saṃpūjyataduttarekumbhacatuṣṭayepañcapallavādikaṃkuṅkumacandanakuṣṭhagorocanāni kṣiptvāvaruṇaṃpūjayediyuktam ācāryyāsaśaṅkhasamauktikacandradānam granthāntarapakṣetāmrapātrasahitavāgīśvaradānaṃ āyurvṛddhyarthasahasrākṣeṇetimantrajapaḥ daśāvarānbrāhmaṇabhojanaṃceti