Dharmasindhu p370

p370

dvādaśārdhapalonmānaṃ caturrbhiścaturaṅgulaiḥ | svarṇamāṣaiḥ kṛtacchidrāṃyāvatprasthajalaplutam 1 iti tu śrībhāgavate tṛtīyaskandhe'uktam asyārthaḥ aśītiguñjātmakaḥ karṣaḥ asyaiva suvarṇasaṃjñā karṣacatuṣṭayaṃ palam tathā ca ṣaṭpalatāmraviracitaṃ pātraṃ viṃśatiguñjonmitasuvarṇanirmitacaturaṅguladīrghaśalākayā mūle kṛtacchidraṃ kuryāt tena chidreṇa yāvatprasthaparimitaṃjalaṃ praviśati tena ca prasthajalapūraṇena tatpātraṃjale magnaṃ bhavati tatpātraṃ ghaṭīkālapramāṇam tatra prasthamānaṃ tu ṣoḍaśapalātmakam palaṃ suvarṇāścatvāraḥ kuḍavaḥ prasthamāḍhakam | droṇaṃ ca khārikā ceti pūrvaṃ pūrvaṃ caturguṇamityukteḥ granthāntare caturmuṣṭiḥ kuḍavaścatvāraḥ kuḍavāḥ prastha iti kecitṣaṣṭisaṃkhyākaguruvarṇoccārepalasaṃjñaḥ kālaḥ ṣaṣṭipalakālā nāḍiketyāhuḥ evaṃ pramāṇīkṛtaṃ ghaṭīyaṃtraṃ sūryamaṇḍalasyārdhodaye'rdhāste vā jalapūrṇe tāmrapātre mṛtpātre vā kṣipet tatra mantraḥ mukhyaṃ tvamasi yantrāṇāṃ brahmaṇā nirmitaṃ purā | bhavabhāvāya dampatyoḥ kālasādhanakāraṇam 1 anena mantreṇa gaṇeśavaruṇapūjanapūrvakaṃ ghaṭīyaṃtraṃ sthāpayet evaṃ sthāpitā ghaṭī āgneyayāmyanairṛtavāyavya diggatā na śubhā madhyasthitānyadiggatā ca śubhā evamāgneyādipañcadikṣu pūrṇāna śubhā iti ghaṭīvicāraḥ atha jyotirvidādiṣṭeśubhakāle hastāntarāle tandularāśī pūrvāparau kṛtvā pūrvarāśau pratyaṅmukhaṃ varamaparasminprāṅmukhīṃ kanyāmavasthāpyatayormadhye kuṅkumādikṛtasvastikāṅkitamantaḥpaṭa mudagdaśaṃdhārayeyuḥ kanyāvarayoḥ pitrādirjyotirvidaṃ saṃpūjya taddattākṣatāḥ phalayutāḥ kanyāvarayo-