Dharmasindhu p518

p518

sarvādhānināṃ dakṣiṇāgnau ardhādhānināṃ gṛhyāgnimātravatāṃ ca gṛhyāgnāveva pravāsasthānāṃ niragnikānāṃ ca ayāścāgne mano jyotirudbudhya vyāhṛtihomenotpādite laukikāgnau hutvāgnerutsargaḥ natveṣāṃ kvāpi pāṇihomaḥ pākastu sarvatra pacanāgnāveva kātīyānāṃ gṛhyāgnimatāṃ gṛhyāgni vihṛtya pacanāgnau pāko'gnaukaraṇaṃ tu gṛhyāgnāveva śrautāgnimatāṃ sarvādhānapakṣe dakṣiṇāgnāvardhādhānapakṣe aupāsanāgnāviti kāśikāyāmuktam kātīyānāmardhādhānapakṣa eva yukta iti bhāti niragnīnāṃ kātīyānāmapasavyādinā pitryādidvijahasta eva agnaukaraṇam tatra pakṣadvayam - devadvijakare eva savyena homaḥ yadvā'pasavyena pitryadvijapaṅkau prathamadvijakare iti bahvṛcānāṃ tu pitryadvijakareṣveva prativipraṃ homaḥ vājasaneyināṃ tvekahoma eveti śrāddhakāśikāyāṃ kātīyasūtravṛttau kecittu pṛṣṭo divividhānenāgnimutpādyāgnāveva juhvati sāmagādīnāṃ sāgnīnāmabhāvame rasannidhāne daivakare pitryakare vā niragnīnāṃ tu devadvijakara eva mṛtabhāryasyāpatnīkasya prathamadevadvijakara eva homo na pitrye iti sarvasādhāraṇam atha homaprakāraḥ bahvṛcānāṃ vyatiṣaṅgapakṣe 'gnāvagnaukaraṇaṃ kariṣye iti pṛṣṭvā kriyatāmiti anujñāto gṛhyapākaṃ carumuddhṛtya dvidhā vibhajyāpasavyenottara-