Dharmasindhu p83

p83

klapañcamyāma nantādināgānpūjayitvā kṣīrasarṣipairnaivedyaṃ dadyāt asyāmeva pañcamyāṃ lakṣmīpūjanam atraiva coccaiḥśravādipūjanātmakaṃ hayavratamuktam atra sarvatra pañcamī sāmānyanirṇayānusāreṇa grāhyā evamagrepi yatra viśeṣanirṇayo nocyate tatra prathamaparicchedokta eva nirṇayo'nusaṃdheyaḥ ṣaṣṭhyāṃ skandasya damanakāropaṇam saptamyāṃ bhāskarasya damanakapūjā navamyāṃ devyāḥ sarvadevānāṃ paurṇamāsyāmityanyatra vistaraḥ caitraśuklāṣṭamyāṃ bhavānyā utpattiḥ tatra navamīyutā grāhyā atra punarvasuyutāṣṭamyāmaṣṭāśoka kalikāprāśanam tatra mantraḥ tvāmaśoka narābhīṣṭa madhumāsasamudbhava | pibāmi śokasaṃtapto māmaśokaṃ sadā kuru 1 iti atraiva yogaviśeṣe kṛtyam punarvasubudhopetā caitre māsi sitāṣṭamī| prātastu vidhivatsnātvā vājapeyaphalaṃ labhet 1 iti caitraśuklanavamī rāmanavamī caitraśuklanavamyāṃ punarvasuyutāyāṃ madhyāhne karkalagne meṣasthe sūrye uccasthe grahapañcake śrī-