Kriyakaumudi (Govindananda) 2.p12
Kriyākaumudī (Govindānanda) 2.p12
- Language
- Sanskrit
2.p12
idānoṃ prasaṅgāt sarvvavratasādhāraṇī paribhāṣocyate | tatra devalaḥ,— abhuktvā prātarāhāraṃ snātvācamya samāhitaḥ | sūyyāya devatābhyaśca nivedya vratamācaret || prātarāhāramaharbhojanamityarthaḥ | munibhirdviraśanaṃ proktaṃ viprāṇāṃ martyavāsināṃ nityaṃ | ahani ca tathā tamasvinyāṃ sārddhapraharayāmāntaḥ || ityanena chandogapariśiṣṭakṛtā,— sāyaṃ prātarmanuṣyāṇāmaśanaṃ devanirmitam | nāntarā bhojanaṃ kāryyamagnihotrasamo vidhiḥ || iti vṛhanmanuvacane sāyaṃprātaḥpadayoḥ rātridivāparatayā vivṛtattvāt | ataeva,— sāyamādyantayorahnaḥ sāyaṃ prātaśca madhyame | dharmopavāse kurvīta na bhojanacatuṣṭayam || ityapi saṅgacchate | tataśca abhuktvā prātarāhāramiti aparāhnarātrivrataviṣayaṃ divāvratasya pūrvāhṇavidhānāt | aharbhojanasya dakṣokta divāpañcamabhāge vidhānāditi | sūyyāya devatābhya iti sūryyaḥ somo yamaḥ kāla ityanena sūryyādidevatābhyo nivedya vijñāpya vratamācaret saṅkalpayedityarthaḥ | saṅkalpastu udaṅmukhenaiva kāryyaḥ
Linked texts (4)
- Devalasmṛti (fragments) — Sanskrit
- Kṛtyakalpataru — Lakṣmīdhara Bhaṭṭa, Sanskrit
- Gṛhastharatnākara — Caṇḍeśvara, Sanskrit
- Varṣakriyākaumudī — Govindānanda Kavikaṅkaṇa 1510, Sanskrit