Kriyakaumudi (Govindananda) 3.p164

3.p164

puṣkarākṣa nimagno'haṃ mahatyajñānasāgare || trāhi māṃ deva deveśa tvahṛte'nyo na rakṣitā | iti stutvā,– oṃ viśvāya viśvapataye viśvasambhavāya govindāya namo namaḥ, iti mantreṇa devaṃ svāpayitvā | oṃ dharmāya dharmeśvarāya dharmapataye dharmasambhavāya govindāya namo namaḥ iti mantreṇa yathāśakti homaṃ kṛtvā oṃ vasoḥ pavitramasīti mantreṇa ghṛtagur̤ābhyāṃ vasordhārāṃ datvā candrodaye sati– śaṅkhe toyaṃ samādāya sapuṣpaphalacandanam | jānubhyāmavanau gatvā candrāyatargetārghyaṃ nivedayet || oṃ kṣīrodārṇavasambhūta atrinetrasamudbhava | gṛhāṇārghyaṃ śaśāṅkemaṃ rohiṇyā sahito mama || jyotsnāyāḥ pataye tubhyaṃ jyotiṣāṃ pataye namaḥ | namaste rohiṇīkānta sudhāvāsa namo'stu te || tataḥ prātarutthāya navamyāṃ snātvā bhagavantaṃ yathāvidhi sampūjya viśeṣataścaṇḍikāṃ vastropakaraṇaiḥ pūjayitvā “śāntirastu śivañcāstu” iti sarvvān devān visṛjya brāhmaṇān bhojayitvā dakṣiṇāṃ datvā kṛṣṇo me prīyatāmiti kāñcanavastrādikaṃ tebhyo datvā brāhmaṇaiḥ saha “oṃ sarvvāya sarvveśvarāya sarvvapataye sarvvasambhavāya govindāya namo namaḥ” iti mantreṇa pāraṇāṃ kuryyāt