Kriyakaumudi (Govindananda) 5.p14

5.p14

pitṛvaṃśe mṛtā ye ca mātṛvaṃśe ca ye mṛtāḥ | teṣāmuddharaṇārthāya imaṃ piṇḍaṃ dadāmyaham || 1|| mātāmahakule ye ca gatiryeṣāṃ na vidyate | teṣāmuddharaṇārthāya imaṃ piṇḍaṃ dadāmyaham || 2|| bandhuvargāśca ye kecinnāmagotravivarjitāḥ | svagotre paragotre vā tebhyaḥ piṇḍaṃ dadāmyaham || 3|| ajātadantā ye kecidye ca garbhaprapīḍitāḥ | teṣāmuddharaṇārthāya imaṃ piṇḍaṃ dadāmyaham || 4|| udbandhanamṛtā ye ca viṣaśastrahatāśca ye | śrātmopaghātino ye ca tebhyaḥ piṇḍaṃ dadāmyaham || 5|| agnidāhe mṛtā ye ca siṃhavyāghrahatāśca ye | daṃṣṭribhiḥ śṛṅgibhirvāpi tebhyaḥ piṇḍaṃ dadāmyaham || 6|| agnidagdhāśca ye kecinnāgnidagdhāstathā pare | vidyuccaurahatā ye ca tebhyaḥ piṇḍaṃ dadāmyaham || 7|| raurave cāndhatāmitre kālasūtre ca ye gatāḥ | teṣāmuddharaṇārthāya imaṃ piṇḍaṃ dadāmyaham || 8|| asipatravane ghore kumbhīpāke ca ye gatāḥ | teṣāmuddharaṇārthāya imaṃ piṇḍaṃ dadāmyaham ||9|| asaṃkhyātānāsaṃsthā ye nītā yamaśāsane | teṣāmuddharaṇārthāya imaṃ piṇḍaṃ dadāmyaham || 10 || paśuyonigatā ye ca pakṣikoṭasarīsṛpāḥ | athavā vṛkṣayonisyāstebhyaḥ piṇḍaṃ dadāmyaham || 11 || jātyantarasahasrāṇi bhramante svena karmaṇā | mānuṣyaṃ durllabhaṃ yeṣāṃ tebhyaḥ piṇḍaṃ dadāmyaham || 12 || ye'bāndhavā bāndhavā vā ye'nyajanmani bāndhavāḥ | te sarvve tṛptimāyāntu piṇḍadānena sarvvadā || 13|| ye kecit pretarūpeṇa varttante pitaro mama | te sarvve tṛptimāyāntu piṇḍenānena sarvvadā || 14 || guruśvaśurabandhūnāṃ ye cānye bāndhavā mṛtāḥ | teṣāmuddharaṇārthāya imaṃ piṇḍaṃ dadāmyaham || 15|| ye me kule luptapiṇḍāḥ putradāravivarjitāḥ | kriyālopagatā ye ca jātyandhāḥ paṅgavastathā || virūpā grāmagarbhā ye jñātājñātāḥ kule mama | teṣāṃ piṇḍaṃ mayā dattamakṣayyamupatiṣṭhatām ||16|| tataḥ piṇḍān sampūjya jale kṣipet