Krityamaharnava 1.p285

1.p285

mathurāyāṃ tataḥ paścālloke khyātiṃ gamiṣyati || "pārtha taddvise prāpte dantadhāvanapūrvakam | upavāsasya niyamaṃ gṛhṇīyād bhaktibhāvataḥ || ekenaivopavāsena kṛtena kurunandana ! saptajanmakṛtātpāpānmucyate nātra saṃśayaḥ || tataḥ snātvā tu pūrvāhne nadyādau vimale jale | devyāḥ suśobhanaṃ kuryādde vakyāḥ sūtikāgṛham || padmarāgaiḥ paṭīraistu sahitaṃ carcitaṃ śubham | ramyaṃ candanamālābhirakṣama‍ālavibhūṣitam || sarvaṃ gokulavatkāryam gopījanasamākulam | padamardalasaṅgītamaṅgala kalaśānvitam || vandivārailīkhaḍgāpūpachāgasamanvitam | dvāravinyastamuśalaṃ rakṣitaṃ rakṣapālakaiḥ || ṣaṣṭhayā devyāstu sampūrṇam naivedyaṃ vivadhairapi | kāñcanī rājatī tāmrī paittalī mṛṇmayī tathā || dārvī mālamayī vāpi varṇikā likhitāthavā | sarvalakṣaṇasampūrṇā paryaṅke cārddhasuptikā || prataptakañcana‍ābhā sā mayā saha yaśasvinī | prasuptā ca prasūtā ca tatkṣaṇādeva harṣitā || māñcāpi vālakaṃ suptaṃ paryaṅke stanapāyinam | śrīvatsavakṣaṃ pūrṇāṅgaṃ nīlotpaladalacchavim || yaśodā cāpi tatraiva prasūtā varakanyakā | tāṃ pārtha pūjayedbhaktyā gandhadurvākṣataiḥ phalaiḥ || kūṣmāṇḍairnārikelaiśca kharjūrairdār̤imaiḥ phalaiḥ | bījapūraiḥ pūgaphalaiḥ lakucaistrapukhaistathā || kāladeśodbhavairmmiṣṭaiḥ puṣpaiścāpi yudhiṣṭhira | sthaṇḍile sthāpayedde vīm sacandrāṃ rohiṇīntathā || devakīṃ vasudevañca yaśodāṃ nandameva ca | valadevaṃ tathā pūjya sarvapāpaiḥ pramucyate || arddharātre vasordhārā pātayenmadhusarpiṣā | tato varddhāpanaṃ ṣaṣṭhī nāmādeḥ karaṇaṃ mama || karttavyaṃ tatkṣaṇādrātrau prabhāte navamī dine | yathā mama tathā kāryo bhagavatyā mahotsavaḥ || brāhmaṇān bhojayedbhaktyā tebhyo dadyācca dakṣiṇām | suvarṇakāñcanaṃ gāvo vāsāṃsi kusumāni ca || yadyadiṣṭatamaṃ loke kṛṣṇo me prīyatāmiti | evaṃ yaḥ kurute devyā devakyāstu mahotsavam || varṣe varṣe bhagavatyā madbhaktyā dharmanandana | naro vā yadi vā nārī yathoktaphalamāpnuyāt || putraṃ santānamārogyaṃ dhanadhānyañca madgṛham | paracakrabhayaṃ nāsti tasmin rāṣṭre'pi pāṇḍava || parjanyaḥ kāmavarṣī syādītibhyo na bhayaṃ bhavet | yasmin gṛhe pāṇḍuputra likhitaṃ devakīvratam || na tatra mṛtasargītirna garbhapatanaṃ bhavet | ativṛṣṭiranāvṛṣṭiḥ śalabhā mūṣikāḥ khagāḥ || pratyāsannaśca rājānaḥ ṣaḍete ītayaḥ smṛtāḥ | naca vyādhibhayaṃ tatra bhavediti matirmama || na vaidhavyaṃ na daurbhāgyam na tatra kalahodayaḥ | samparkeṇāpi yaḥ kaścitkuryājjanmāṣṭamīvratam | viṣṇulokamavāpnoti so'pi pārtha na saṃśayaḥ || jayantyāmupavāsaśca mahāpātakanāśanaḥ | sa vai kāryo mahābhaktyā pūjanīyaśca keśavaḥ || tuṣṭyarthaṃ devakīsūnorjayantīsaṃjñaka vratam | karttavyaṃ vittamānena bhaktyā bhaktajanairiha || akurvan yāti nirayaṃ yāvadindrāścaturdaśa | prājāpatyarkṣasaṃyuktā śrāvaṇasyāsitāṣṭamī || varṣe varṣe ca karttavyā tuṣṭyarthaṃ cakrapāṇinaḥ”