Krityamaharnava 2.p180

2.p180

manuḥ-" kurvan pratipadi śrāddhaṃ sarūpān labhate sutān | kanyakāñca dvitīyāyāṃ tṛtīyāyāñca vanditaḥ ||" paśūna kṣudrāṃścaturthyāntu pañcamyāṃ śobhanān sutān | ṣaṣṭhyāṃ dyūtaṃ kṛṣiścāpi saptamyāṃ labhate naraḥ|| aṣṭamyāmapi vāṇijyaṃ labhate śrāddhadaḥ sadā| syānnavamyāmekakhuraṃ daśamyāṃ dvikhurantathā || ekādaśyāṃ tathā rūpyaṃ brahmavarcasvinaḥ sutān | dvādaśyāṃ jātarūpañca rajataṃ kupyameva ca || jñātiśraiṣṭhyaṃ trayodaśyāṃ caturdaśyāṃ bahuprajāḥ| prīyante pitaraścātha ye śastreṇa hatā raṇe || pakṣatyādi vinirdiṣṭān vipulān manasaḥ priyān | śrāddhadaḥ pañcadaśyāntu sarvān kāmān samaśnute" || vandinastāvakān, stutayo bhavatītyarthaḥ | dyūtaṃ-dyūtajadhaṃ, kupyaṃ-suvarṇarajatātiriktamrādidhanam | pakṣatyādīti - pakṣatiḥ pratipat | pratipadāditithiphalaṃ śobhanaṃ sarvamamāvāsyāyāmityarthaḥ | tatra yogasiddhinyāyāvagatānyatamaphalakāmasyādhikāra iti kaścit