Krityasarasamuccaya (Amritanatha Jha Sharman) 2.p2

2.p2

upānadvyajanaṃ chatraṃ sūkṣmavāsāṃsi candanam || jalapātrāṇi deyāni tathā puṣpagṛhāṇi ca | pālakāṇi ca citrāṇi drakṣārambhāphalānyapi || tithitattve—dadāti yo hi meṣādau saktūnambughaṭānvitān | pitṛnuddiśya viprebhyaḥ sarvapāpairvimucyate || tathā—vaiśākhe yo ghaṭaṃ pūrṇaṃ sabhojyaṃ vai dvijanmane | dadāti surarājendra ! sa yāti paramāṅgatim || meṣādau saktavo deyā vāripūrṇā ca gargarī | iti athātra tyājyānāha— kāṃsyambhāṃsaṃ masūrāśaṃ caṇakaṅkodravantathā | śākammadhu parānnaṃ ca punarbhoejanamaithune || atra vāripūrṇaghaṭadānavidhiḥ | oṃ vāripūrṇaghaṭāya namaḥ | 3 | kuśoṣari oṃ brāhmaṇāya namaḥ | 3 | ghaṭaṃ siktvā omayaṃtyādi meṣārkasaṃkramaṇaprayuktapuṇyāhe puṇyakāle vā amukagotrasya śrī amukaśarmaṇo mama svargakāmo meṣārkaṃ vyāpya pratyahaṃ ghaṭaparimitajalaṃ varuṇadaivataṃ yathānāmagotrāya brāhmaṇāyā'haṃ dadde | tato dakṣiṇāṃ datvā paṭhet | eṣa dharmaghaṭo nityaṃ brahmaviṣṇuśivātmakaḥ | asya prasādātsaphalā mama santu manorathāḥ || iti || atha akṣayatṛtīyā | vaiśākhaśuklatṛtīyā akṣayatṛtīyā, sā caturthīyuktā grāhyā, tathāhi pañcadharīyatithicandrikāyāṃ gobhilaḥ— ‘vaiśākhasya tṛtīyāṃ tu pūrvaviddhāṅkaroti yaḥ | havyandevā na gṛhṇanti kavyañca pitarastathā’ || brahmavaivartte—rambhākhyāṃ varjayitvā tu tṛtīyāṃ dvijasattama ? | anyeṣu sarvakāryeṣu gaṇayuktā praśasyate || iti | gaṇayuktā caturthīyuktā, caturthīyutāyā alābhe tu dvitīyāyutā'pi grāhyā | ekādaśī tṛtīyā ca ṣaṣṭhī caiva trayodaśī | pūrvaviddhā'pi karttavyā yadi na syāt pare'hani || iti brahmavaivarttāt | iyaṃ yugādiḥ, tatra śrāddhakaraṇe phalamāha mātsye— kṛtaṃ śrāddhavidhānena manvādiṣu yugādiṣu