Krityasarasamuccaya (Amritanatha Jha Sharman) 2.p227
Kṛtyasārasamuccaya (Amṛtanātha Jhā Śarman) 2.p227
- Language
- Sanskrit
2.p227
na gacchedakṣiṇāmāśāṃ bhaṣaṭkena śravaṇādinā | bhūtikāmo na kurvīta tṛṇakāṣṭhādisaṃgraham | agnidāho bhayaṃ rogo rājapīḍā dhanakṣayaḥ | saṃgrahe tṛṇakāṣṭhānāṃ kṛte vastrādipañcake || atrāśaucābhyantare dāhe śeṣāśaucāhobhiḥ śuddhiḥ | parṇanaradāhaprayuktatryahāśaucāpekṣayā maraṇaprayuktadaśāhādyaśaucasya gurutvāt tripakṣānantaraṃ dāhe trirātram | caturthadine śrāddham | 'evaṃ parṇanaraṃ dagdhvā trirātramaśucirbhavedi' ti brahmapurāṇāt | tulyanyāyatayā asthidāhe'pi trirātrāśaucam | yajñapārśvaḥputrāścedupalabhyeraṃstadasthīni kadācana | tadalābhe palāśasya sambhave hi punaḥ kriyā