Krityasarasamuccaya (Amritanatha Jha Sharman) 2.p40
Kṛtyasārasamuccaya (Amṛtanātha Jhā Śarman) 2.p40
- Language
- Sanskrit
2.p40
yugādyā varṣavṛddhiśca saptamī pārvatīpriyā | raverudayamicchanti na tatra tithiyugmatā || iti kṛtyatattvokteḥ | bhagavatyāḥ praveśādivisargāṃntāśca yāḥ kriyāḥ | tithāvudayagāminyāṃ sarvāstāḥ kārayedbudhaḥ || iti tithitattvokteśca | durgābhaktitaraṅgiṇyāṃ ghaṭikāto nyūnā parā na kāryyā | 'vratopavāsaniyame ghaṭikaikā yadā bhavet' | iti devalokteḥ | ghaṭikānyūnā muhūrttanyūnetyarthaḥ | pūrvaikavākyatvāt | patrikā navapatrikāpūjā pūrvāhna eva, na tu mūlānurodhānmadhyāhnādāviti kṛtyatattvokteḥ