Mokshakanda 2.p204
Mokṣakāṇḍa 2.p204
- Language
- Sanskrit
2.p204
tatra devalaḥ ²athā'riṣṭaṃ pravakṣyāmi yathāvadyogakarmaṇi | yathoktamṛṣibhiḥ pūrvamāyurvijñānamāditaḥ || arundhatīṃ dhruvaṃ caiva somacchāyāṃ mahāpatham | yo na paśyenna jīvetsa dvija saṃvatsarātparam || araśmimantamādityaṃ raśmimantaṃ ca pāvakam | yo na paśyenna jīvetsa ³māsamekādaśātparam || rukmaśāgvān drumān dṛṣṭvā gandharvanagarāṇi ca | paśyet pretān piśācāṃśca daśa māsān sa jīvati || sadā mūtraṃ purīṣaṃ vā suvarṇarajataprabham⁴ | pratyakṣaṃ yadi vā svapne nava māsān sa jīvati || akasmādvā bhavet sthūlo yo'kasmād vā bhavetkṛśaḥ | prakṛte vikṛto yo vai so'ṣṭa māsāṃstu jīvati || pāṃśusthaṃ kardame vā'pi yasya khaṇḍaṃ padaṃ bhavet | agrataḥ pṛṣṭhato vā'pi sapta māsānsa jīvati
Linked texts (5)
- Vāyupurāṇa — Vyāsa, Sanskrit
- Liṅgapurāṇa — Vyāsa, Sanskrit
- Adbhutasāgara — Ballālasena & Lakṣmaṇasena, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Prakriyāpāda — Sanskrit