Bhagavantabhaskara 29.p50

29.p50

sarveṣāmupavāsānāṃ pra hisātareva hi pāraṇam || ityukteḥ | bhojanamadhyāhnikayośca vācanikakramasadbhāvāt | evamuktayamaniyamalope | yamaḥmānase niyame lupte smaredviṣṇumanāmayam || iti | yājñavalkyaḥyadi vāgyamalopaḥ syātsnānadānādikarmasu | vyāharedvaiṣṇavaṃ mantraṃ smarenvā viṣṇumavyayam || iti | viṣṇudharmottareasaṃbhāṣyānhi saṃbhāṣya tulasyatasikādalam | āmalakyāḥ phalaṃ vā'pi pāraṇe prāśya śudhyati || idaṃ codāharetsamyak kṛtvā tatpraṇavaṃ namaḥ | śārīramantaḥkaraṇopaghātaṃ vācaśca viṣṇurbhagavānaśeṣam || śamaṃ nayatvastu mameha śarma pāyādanante hṛdi sanniviṣṭe | antaḥśuddhiṃ bahiḥśuddhiṃ śuddho dharmamayo'cyutaḥ || sa karotu mamaitasmin śucirevāsmi sarvadā | bāhyopaghātānanaghānbauddhāṃśca bhagavānajaḥ || śamaṃ nayatvanantātmā viṣṇuścetasi saṃsthitaḥ | etatsaṃbhāṣya japyaṃ pāṣaṇḍibhirupoṣitaiḥ || iti | vaiṣṇavetasyāvalokanātsūryaṃ paśyeta matimānnaraḥ | namaḥ śucipadetyuktvā iti | tasya pāṣaṇḍyādeḥ | tasya sparśe'pi tatraivasaṃsparśe tu budhaḥ snātvā śucirādityadarśanāt || viṣṇurahasyeśrāddhopavāsadivase khāditvā dantadhāvanam | gāyatryā śatasaṃpūtamambu prāśya viśuddhyati || iti | rajasvalāṃ ca caṇḍālaṃ mahāpātakinaṃ tathā | sūtikāṃ patitaṃ caiva ucchiṣṭaṃ rajakādikam || ityupakramya bṛhannāradīyevratādimadhye śṛṇuyādyadyeṣāṃ dhvanimuttamaḥ | aṣṭottarasahasraṃ tu japedvai vedamātaram | vedamātā gāyatrī | kātyāyanaḥ— mithyāvāde divā svāpe bahuśombuniṣevaṇe | aṣṭākṣaraṃ vratī japtvā śatamaṣṭottaraṃ śuciḥ || iti | aṣṭākṣaram ‘oṃ namo nārāyaṇāya iti | śaṅkhaḥ— kṛtvā steyaṃ prāṇihiṃsāṃ yathārhaṃ śāstracoditam | prāyaścittaṃ vratī kuryājjapennāmnāṃ śatatrayam || iti | paiṭhīnasiḥ— tāmbūlacarvaṇe strīṇāṃ bhoge māṃsaniṣevaṇe | vratalopo bhavetkuryādaṣṭākṣaramanorjapam || iti | kātyāyanaḥ— retaḥsaṃkramaṇātstrīṇāṃ bhogo'nyatra kṣayaḥ smṛtaḥ | japo'ṣṭākṣaramantrasya nāmnāṃ śatatrayasya ca || iti | retaḥsaṃkramaṇamṛtukālagamanam | tadātmakātstrīsaṃbhogādanyatra saṃbhoge vratasya kṣaya ityarthaḥ | devalo'pi, ‘na dāreṣvṛtusaṅgamāt’ iti | iti dvādaśī | atha trayodaśī | sā tu śuklā pūrvā kṛṣṇottarā grāhyā | ‘śuklā trayodaśī pūrvā parā kṛṣṇā trayodaśī iti mādhavokteḥ’ | dīpikā'pi ‘trayodaśī tithiḥ pūrvā site'thā'site paścāt |’ iti | atra pradoṣavrataṃ brahmottarakhaṇḍe— pakṣadvaye trayodaśyāṃ nirāhāro bhaveddivā | ghaṭikātrirastamayātpūrvaṃ snānaṃ samācaret || śuklāmbaradharo bhūtvā vāgyato niyamānvitaḥ | kṛtasandhyājapavidhiḥ śivapūjāṃ samārabhet || iti | atra pradoṣavyāpinī grāhyā | tatraiva pūjāvidhānāt | dinadvaye pradoṣavyāpitve'vyāpitve vā pūrvaiva | tathā ca sumantuḥ— trayodaśī tu kartavyā dvādaśīsahitā mune || iti | idaṃ ca kṛṣṇapakṣe mandavāsare praśastam— mandavāre pradoṣo'yaṃ durlabhaḥ sarvadehinām | tatrāpi durlabhastasmin kṛṣṇapakṣe samāsataḥ || iti | tatraivoktatvāt | caitrakṛṣṇatrayodaśyāmanlabhyayogaḥ skāndevāruṇena samāyuktā madhau kṛṣṇā trayodaśī gaṅgāyāṃ yadi labhyeta sūryagrahaśataiḥ samā || śanivārasamāyuktā sā mahāvāruṇī smṛtā | śubhayogasamāyuktā śanau śatabhiṣā yadi || mahāmaheti vikhyātā trikoṭikulamuddharet | tithikṛtya tathā kṛṣṇādi vrate śuklādireva ca || iti | brāhmokteratra kṛṣṇādimāsaḥ| nacāsya vratatvaṃ vratapadatatprakaraṇādyabhāvāt| kārtikakṛṣṇatrayodaśyāṃ dīpadānamuktaṃ candraprakāśe | skāndekārtikasyāsite pakṣe trayodaśyāṃ niśāmukhe | yamadīpaṃ bahirdadyādapamṛtyurvinaśyati || iti | bahirmādgādvahiriti kecit | gṛhādbahirityapare | mantrastumṛtyunā pāśadaṇḍābhyāṃ kālaśyāmalayā saha | trayodaśyāṃ dīpadānātsūryajaḥ prīyatāṃ mama || iti dik | iti trayodaśī