Bhagavantabhaskara 45.p13

Bhagavantabhāskara 45.p13

Language: Sanskrit

45.p13

hotāro vṛṣalānnā ye vṛṣalādhyāpakāstathā | tathā vṛṣalaśiṣyāśca śrāddhe nārhanti ketanam || anagnayaśca ye viprā mṛtaniyātakāśca ye | stenāśca patitāścaiva rājannāhaṃnti ketanam || saurapurāṇeaṅgavaṅgakaliṅgāṃśca saurāṣṭrān gurjarāṃstathā | ābhīrānkoṅkaṇāṃścaiva drāvidāndakṣiṇāpathān || āvantyānmāgadhāṃścaiva brāhmaṇāṃstu vivarjayet || iti | atha vibhaktayo nirṇīyante | nāgarakhaṇḍevibhaktirahitaṃ śrāddhaṃ kriyate yadviparyayāt || akṛtaṃ tadvijānīyātpitṝṇāṃ nopatiṣṭhati | tasmātsarvaprayatnena brāhmaṇena vijānatā || vibhaktibhiryathoktābhiḥ śrāddhaṃ kāryaṃ tribhiḥ sadā

Previous: 45.p12
Next: 45.p14
Up: 45

Linked texts (1)

Śrāddhacandrikā (Divākarabhaṭṭa) — Divākarabhaṭṭa 1655, Sanskrit