Bhagavantabhaskara 45.p86

45.p86

devalaḥ-hutvaivamagniṃ piṇḍānāṃ sannidhau tadanantaram | pakvānnena baliṃ tebhyaḥ piṇḍebhyo dāpayedvijaḥ || atrāgnau homasya piṇḍasannidhānaṃ vadatā'rthātpiṇḍadānamapyagnisannidhāvuktaṃ bhavati ' iti hemādriḥ | agnyantarābhāve tu yājñavalkyādivacanebhya ucchiṣṭasannidhau piṇḍāndadyāt | atra viśeṣamāha vyāsaḥaratnimātramutsṛjya piṇḍāṃstatra pradāpayet | yatropaspṛśatāṃ vā'pi prāpnuvanti na vindavaḥ || pāraskaraḥ-viprāṇāṃ bāhumātreṇa piṇḍadānaṃ vidhīyate || ' pātrāṇām ' iti vā pāṭhaḥ | atriḥ-pitṛṇāmāsanasthānādagratastriṣvaratniṣu | ucchiṣṭasannidhānaṃ tannocchiṣṭāsanasannidhau' | jātūkarṇyaḥvyāmamātraṃ samutsṛjya tatra piṇḍānpradāpayet | brāhmaṇabhojanātpūrvakālapradeyānpiṇḍān prastutya deśaviśeṣamāha devalaḥabhyajya madhusarpirthyāṃ tānvapetkuśasañcaye | chāyāyāṃ hastinaścaiva hastadauhitrasannidhau || ' śrāddhasannidhau hastisattve tacchāyāyāṃ dauhitrāddhastādyantarāladeśe vā' ityarthaḥ | devalaḥatha saṃgṛhya kalaśaṃ sadarbha pūrṇamambhasā | purastādupaviśyaiṣāṃ piṇḍāvāpaṃ nivedayet || tatastairabhyanujñāto dakṣiṇāṃ diśametya saḥ | kalaśasaṅgrahastu, 'tataḥ pānīyakumbheena tarpayetprayataḥ pitṝn' ityādinā kalaśenaiva yeṣāṃ kṛtyaṃ vihitaṃ teṣāmevānyeṣām tvavanejanādikaṃ