Cakranarayaniyanibandha 1.p234

1.p234

kuryyādūnābdikādikam' | kārṣṇājiniḥ | 'ūnānyūneṣu māseṣu viṣamāhe samepi vā | traipakṣikaṃ tripakṣe syānmṛtāheṣvitarāṇi tu' | bhaviṣyapurāṇe | 'traipakṣikaṃ bhavedvṛtte tripakṣe tadanantaram' | vṛtte pravṛtte | sāgnerviśeṣamāha jātūkarṇyaḥ | 'ūrddhaṃ tripakṣādyacchrāddhaṃ mṛtāhanyeva tadbhavet | adhastu kārayeddāhādāhitāgnerdvijanmanaḥ' | maraṇādvitīyādidine dāhe dāhadinamārabhetyarthaḥ | ṛṣyaśṛṅgaḥ | 'ekoddiṣṭe tu saṃprāpte yadi vighnaḥ prajāyate | māse'nyasmiṃstithau tasyāṃ kuryyādantaritaṃ ca yat' | ekoddiṣṭe māsike | cakāreṇa tanmāsikasamuccayaḥ, anantaraṃ tanmāsikaṃ ca kuryyādityarthaḥ | etāni ṣoḍaśaśrāddhāni dvādaśāhādi(?)saṃvvam̐tsarādarvāguktakāle sapiṇḍane karttavye sati pūrvametāni kṛtvā sapiṇḍanaṃ kuryyādityāha laugākṣiḥ | 'śrāddhāni ṣoḍaśāpādya vidadhīta sapiṇḍanam' | gobhilopi | 'śrāddhāni ṣoḍaśādatvā naiva kuryyātsapiṇḍatām' | sapiṇḍanānantaramapi māsikāni punaḥ svasvakāle kāryāṇyeva tadāhāṅgirāḥ 'yasya saṃvvam̐tsarādarvāksapiṇḍīkaraṇaṃ kṛtam | māsikaṃ codakumbhaṃ ca deyaṃ tasyāpi vatsaram' | viśeṣamāha sāṃkhyāyaniḥ | 'sapiṇḍīkaraṇādarvāgapakṛṣya kṛtānyapi | punastānyapakṛṣyante vṛddhadyuttaraniṣedhanāt | pretaśrāddhāni śiṣṭāni sapiṇḍīkaraṇaṃ tathā | apakṛṣyāpi kurvīta karttuṃ nāndīmukhaṃ naraḥ' | sapiṇḍīkaraṇārthamapakṛṣyakṛtānyapi tāni vivāhādivṛddhāvupasthitāyāṃ punarapakṛṣya mṛtaha eva kāryāṇītyarthaḥ | vṛddhayanantaraṃ niṣedhamāha kātyāyanaḥ | 'nirvarttya vṛddhitantraṃ tu māsikādi na tantrayet | ayātayāmaṃ maraṇaṃ na bhavetpunarasya tu' | ayātayāmaṃ navaṃ | tathā 'antareṇa tu yo vṛddhiṃ pretaśrāddhāni karṣati | aśrāddhī narake ghore pitṛbhiḥ saha majjati' | tathā 'nandāyāṃ bhārgavadine caturdaśyāṃ tripuṣkare | ūnaśrāddhaṃ na kurvīta gṛhī putradhanakṣayāta' | tripuṣkaralakṣaṇam ratnamālāyām | 'viṣamacaraṇadhiṣṇyaṃ bhadrātithairyadi jāyate, suraguruśanikṣmāputrāṇāṃ kathañcana vāsare | munibhiruditaḥ soyaṃ yogastripuṣkarasaṃjñakastriguṇaphalado vṛddhau naṣṭe mṛte prahṛte tathā' | viṣamacaraṇadhiṣṇyaṃ tripādanakṣatraṃ kṛttikādi