Cakranarayaniyanibandha 1.p32

1.p32

vidheyaiḥ putradārādyaiḥ punarehi vratasya me | nīrājanaṃ ca tatraiva kāryaṃ rāṣṭrajanapriyam | mārgapālītalenetthaṃ yānti gāvo gajā vṛṣāḥ | rājāno rājaputrāśca brāhmaṇāḥ śūdrajātayaḥ | mārgapālīṃ samullaṅghya nīrujaḥ syuḥ sukhānvitāḥ | atha tasyāmeva veṣṭikākarṣaṇamapi kāryyam yaduktamādityapurāṇe | kuśakāśamayīṃ kṛtvā veṣṭikāṃ sudṛḍhāṃ navām | tāmekato rājaputrā hīnavārṇāstathānyataḥ | gṛhītvākarṣayeyuste yathāsāraṃ muhurmuhuḥ| jaye'tra hīnajātīnāṃ jayo rājñastu vatsaram | veṣṭikā varatrā | atha tasyāmeva balipūjoktā skāndekṛtyā tatsarvameveha rātrau daityapaterbaleḥ | pūjāṃ kṛtvā nṛpaḥ