Cakranarayaniyanibandha 2.p1.1
Cakranārāyaṇīyanibandha 2.p1.1
- Language
- Sanskrit
2.p1.1
atha sapiṇḍīkaraṇam | tasyāṣṭau kālā bhavanti | kālādarśe 'ekādaśe dvādaśehni tripakṣe vā trimāsi ca | ṣaṣṭhe caikādaśe vābde sampūrge vā śubhāgame' | śubhāgama iti yadaiva vivāhā dyābhyudayikaṃ prāptaṃ tataḥ pūrvaṃ sapiṇḍanaṃ kuryyādityarthaḥ | kārṣṇājiniḥ | 'sāpiṇḍīkaraṇaṃ kuryātpūrvavaccāgnimān sutaḥ| parato daśarātrāccetkuddarabdoparītare' | parataḥ ekādaśehni, itare niragnayo 'bdopari sāpiṇḍanaṃ kuryyurityarthaḥ | hārītaḥ | 'yā tu pūrvamamāvāsyā mṛtāhāddaśamī bhavet | sapiṇḍīkaraṇaṃ tasyāṃ kuryyādeva sutognimān' | atrāpi mṛtāhādūrddhaṃ dvitīyadinātparigaṇanāyāmekādaśe bhavati | tasyāmamāvāsyā yadi bhavedityarthaḥ | vṛddhavasiṣṭhaḥ | 'prathamā syādamāvāsyā mṛtāhāddaśame'hani | sapiṇḍīkaraṇaṃ tatra kuryyādeva sutognimān' | atrāpi pañcamī maryādāyām| mṛtāhādūrddhadinamārabhyetyarthaḥ | gālavaḥ | 'sapiṇḍīkaraṇātprete paitṛkaṃ padamāsthite| āhitāgneḥ sinīvālyāṃ pitṛyajñaḥ pravarttate' | bhaviṣyapurāṇe | 'yajamānognimān rājanpretaścānagnimānbhavet | dvādaśāhe tadā kāryyaṃ sapiṇḍīkaraṇaṃ sutaiḥ' | yajamānaḥ kartā | kartturyanagnau prete cāhitāgnau sumantuḥ | 'pretaścedāhitāgniḥ syātkarttānagniryadā bhavet | sapiṇḍīkaraṇaṃ tasya kuryyātpakṣe tṛtīyake' | anagnīnāṃ tu dvādaśāhādyāḥ saptakālā bhavanti | yattvabdoparītare ityuktam tanmukhyakālābhiprāyeṇa | vyāghrapādaḥ | 'ānantyātkuladharmmāṇaṃ narāṇāmāyuṣaḥ kṣayāt | asthiteśca śarīrasya dvādadaśāhaḥ praśasyate' | tatrāsambhave tripakṣādīn kālatvenāha bhaviṣyottare | 'sapiṇḍīkaraṇaṃ kuryyād yajamānastvanagnimān |
Linked texts (6)
- Hārītadharmasūtra (fragments) — Sanskrit
- Sumantudharmasūtra (fragments) — Sanskrit
- Kārṣṇājinismṛti (fragments) — Sanskrit
- Gālavasmṛti (fragments) — Sanskrit
- Gadādharapaddhati — Gadādhara Rājaguru 1725, Sanskrit
- Smṛtisāroddhāra — Nārāyaṇa, Sanskrit