Cakranarayaniyanibandha 2.p51

2.p51

daṇḍavattataḥ' | yathoktaiḥ prāṇāyāmādibhiḥ kṣobhitaḥ sañcālitaḥ pūrvāvasthāmatikrānto gatapāpa iti yāvat| etacca snānaṃ sādhāraṇam, viśeṣastu svaśākhābhyo vijñeyaḥ || atha saṅkṣepasnānam | yogiyājñavalkyaḥ 'eṣa vistarataḥ proktaḥ snānasya vidhiruttamaḥ | asāmarthyānna kuryāccettatrāyaṃ vidhirucyate | snānamantarjalaṃ caiva mārjanācamane tathā | tīrthasyāvāhanaṃ caiva tīrthasya parikalpanā | aghamarṣaṇasūktena trirāvṛttena nityaśaḥ | snānācaraṇametattu samādiṣṭaṃ mahātmabhiḥ' iti || jābāliḥ 'pravāhābhimukho majjedyatrāpaḥ pravahanti vai | sthāvareṣu ca sarveṣu bhāsvato'bhimukhastathā' | kātyāyanamatopajīvināṃ tu sūryābhimukhameva majjanaṃ sarvatretyuktam| manuḥ 'na snānamācared bhuktvā nāturo na mahāniśi | na vāsobhiḥ sahājasraṃ nāvijñāte jalāśaye' | śātātapaḥ ' anamṛjyānna ca snāto gātrāṇyambarapāṇibhiḥ | na vā vidhūnayetkeśāntrāsasī na vidhūnayet | tisraḥ koṭyo'rddhakoṭī ca yāvadromāṇi mānave | sravanti tāvatīrthāni tasmānna parimārjayet | devalaḥ 'devāḥ pibanti śiraso mukhataḥ pitarastathā | vakṣasopi ca gandharvā adhastaḥ sarvajantavaḥ' | sandhyādikaraṇānantaraṃ parimārjanaṃ