Gadadharapaddhati 11.p51
Gadādharapaddhati 11.p51
- Language
- Sanskrit
11.p51
atha śrāddhaśabdārthaḥ | marīciḥ,– pretaṃ pitṝṃśca nirddiśya tyājyaṃ yatpriyamātmanaḥ | śraddhayā dīyate yaccatacchrāddhaṃ parikīrttitam || bṛhaspatirapi,– saṃskṛtaṃ bhojanārhañca payodadhighṛtānvitam | śraddhayā dīyate yasmācchrāddhaṃ tena nigadyate || tacca śrāddhaṃ nityanaimittikakāmyabhedena trividham | tatra pratidinaśrāddhāmāvasyāṣṭakānvaṣṭakāyugādiśrāddhāni nityāni | tatra pramāṇaṃ vakṣyate | naimittikāni kāmyānyāha gālavaḥ – pretaśrāddhaṃ sapiṇḍāntaṃ saṃkrāntigrahaṇeṣu ca | saṃvatsarodakumbhañca vṛddhiśrāddhaṃ nimittataḥ || tathā,– tithyādiṣu ca yacchrāddhaṃ manvādiṣu yugādiṣu | alabhyeṣu ca yogeṣu tatkāmyaṃ samudāhṛtam
Linked texts (3)
- Marīcismṛti (fragments) — Sanskrit
- Kālasāra — Nārāyaṇa Jyotirvit, Sanskrit
- Kālasāra — Gadādhara (Pāraskara commentator), Sanskrit