Gadadharapaddhati 14.p31
Gadādharapaddhati 14.p31
- Language
- Sanskrit
14.p31
dvādaśa pratimāsyāni ādyaṃ ṣāṇmāsike tathā | traipakṣikābdike ceti śrāddhānyetāni ṣoḍaśa || iti jātūkarṇyena, - arvāk sapiṇḍīkaraṇāt kuryācchrāddhāni ṣoḍaśa | iti paiṭhīnasinā,śrāddhāni ṣoḍaśa kṛtvā naiva kuryāt sapiṇḍanam | iti gobhisenāpi traipakṣikaṃ praveśya sapiṇḍīkaraṇaṃ tyaktā ṣoḍaśaśrāddhāni uktāni | yattu, - dvādaśāhe tripakṣe vā ṣaṇmāse māsikābdike | śrāddhāni ṣoḍaśaitāni saṃskṛtāni(1) manīṣibhiḥ || iti vyāsoktau dvādaśāhopādānaṃ tadekādaśāhe daivādādyapretaikoddiṣṭaśrāddhakaraṇe bodhyam | ekādaśe'hni kurvīta pretamuddiśya bhārata | dvādaśe vā'hni kurvīta anindye tathavāhani || iti kaurmokteḥ | yacca, - ūnaṣāṇmāsikaṃ ṣaṣṭhe māsyādye conamāsikam | traipakṣikaṃ tripakṣe syādūnābdaṃ dvādaśe tathā || iti gālavoktau ūnamāsikopādānaṃ tadekādaśāhasya dvādaśāhasya vā nāmāntaram | maraṇāt dvādaśāhe syānmāsyūne conamāsikam
Linked texts (4)
- Paiṭhīnasidharmasūtra (fragments) — Sanskrit
- Jātūkarṇyasmṛti (fragments) — Sanskrit
- Kālasāra — Nārāyaṇa Jyotirvit, Sanskrit
- Kālasāra — Gadādhara (Pāraskara commentator), Sanskrit