Gadadharapaddhati 21.p100

21.p100

dṛṣṭiśrāddhamatra dvayatrabrāhmaṇasampattāvicchayā yatkriyate tadeva | śātātapaḥ,– udaṅmukhastu devānāṃ pitṛṇāṃ dakṣiṇamukhaḥ | pradadyāt pārvaṇaśrāddhe daivapūrvaṃ vidhānataḥ || śātātapaḥ,– nityaśrāddhamadaivaṃ syādekoddiṣṭaṃ tathaiva ca | mātṛśrāddhantu yugmaiḥ syāddaivaṃ prāṅmukhaiḥ pṛthak || yojayeddaivapūrvāṇi śrāddhānyāni yatnataḥ | sa daivaṃ bhojayecchrāddhaṃ tatpūrvañca pravarttayet || anyathā tavalumpanti sadaityāsurarākṣasāḥ | tatpūrvaṃ daivapūrvaṃ | vāyupurāṇe,– nāprokṣya sparśayetkiñcicchrāddhe daive'thavā punaḥ | uttareṇāhareddevā dakṣiṇena visarjayet || vediratra dakṣiṇapravaṇādiśrāddhadeśaḥ | daive daivaśrāddhe | manuḥ,– daivakāryādvijātīnāṃ pitṛkāryaṃ viśiṣyate | daivaṃ hi pitṛkāryasya pūrvamāpyāyanaṃ smṛtam || teṣāmārakṣabhūtantu pūrvaṃ daivaṃ niyojayet | rakṣāṃsi hi vidrumpanti śrāddhamārakṣavarjitam || daivādyantaṃ tadīheta pitrādyantaṃ na tadbhavet | pitrādyantaṃ tvīhamānaḥ śīghraṃ naśyati sānvayaḥ || āpyāyanaṃ pitṛśrāddhapradhānabhūtasya samṛddhikaraṃ aṅgabhūtaṃ na tu svataḥ pradhānam | ārakṣabhūtaṃ na tu sarvato rakṣākaram | daivādyantaṃ daive ādyantau ārambhāvasāne yasya tattathoktam | etenaitaduktaṃ bhavati, nimantraṇādi daivapūrvaṃ visarjanaṃ viparītaṃ kāryam | devalaḥ, - yadanna kriyate karma paitṛke brāhmaṇān prati | tatsarvaṃ tatra karttavyaṃ vaiśvadevatyapūrvakam || iti | atha vidhiparibhāṣā | manuḥ, - prācīnāvaitinā samyagapasavyamatandriṇā | pitryamānidhanāt kāryaṃ vidhivaddarbhapāṇinā