Gadadharapaddhati 21.p113
Gadādharapaddhati 21.p113
- Language
- Sanskrit
21.p113
atha śrāddhe deyadravyavicāraḥ | śaṅkhalikhitau, — dharmeṇa vittamādāya pitṛbhyo dadyāt | manuḥ, — yaddhaviścirakālāya yaccānantyāya kalpate | pitṛbhyo vidhivaddattaṃ tatpravakṣyāmyaśeṣataḥ || tilailrīhiyavairmāṣairadbhirmūlaphalena vā | dattena māsaṃ prīyante vidhivatpitaro nṛṇām || dvau māsau matsyamāṃsena trīn māsān hāriṇena tu | aurabhreṇāya caturaḥ śākunenātha pañca vai || ṣaṇmāsān chāga(1)māṃsena pārṣatenātha sapta tu | aṣṭāveṇasya māṃsena rauraveṇa navaiva tu || daśamāsāṃstu tṛpyanti varāhamahiṣāmiṣaiḥ | śaśakūrmayostu māṃsena māsānekādaśaitra tu || samvatsaraṃ tu gavyena payasā pāyasena vā | vārddhrīṇasasya māṃsena tṛptirdvādaśavārṣikī || kālaśākaṃ mahāśalkaṃ khaḍgaṃ godhāmiṣaṃ madhu | ānantyāyaiva kalpante munyannāni ca sarvvaśaḥ
Linked texts (3)
- Bhagavantabhāskara — Nīlakaṇṭha Dīkṣita 1625, Sanskrit
- Kālasāra — Nārāyaṇa Jyotirvit, Sanskrit
- Kālasāra — Gadādhara (Pāraskara commentator), Sanskrit